【萬千星輝】薛家燕奪「萬千光輝演藝人大獎」 含淚多謝TVB

撰文:
最後更新日期:

《萬千星輝頒獎典禮2018》第一個獎就是「萬千光輝演藝人大獎」,這個由2001年開始就有的大獎,就是為了表揚一班為演藝事業有莫大貢獻的演員,上年是由TVB全台人員得獎,因為50周年嘛!至於前年是周驄,再之前還有陳百祥、譚炳文、劉兆銘等等,個個都是前輩級人馬,今次則是由薛家燕奪得!

由胡楓和黎小田兩位同樣十分有份量的前輩頒發,黎小田更抵死表示自己追求過她。1960,家燕姐8歲開始演藝身涯,1996年加入TVB,第一部劇就是《真情》的好姨,成功入屋,之後大大小小參演過很多劇集,近年更向綜藝路發展,最近就有《流生經典50年》。

由修哥和黎小田頒獎,夠晒份量!

致謝時,家燕姐講兩句已經喊了出來,他說:「多謝修哥、Micheal,多謝TVB,我今日得獎要感恩,我演藝生涯今年60年喇,係唔簡單,我感恩喺我人生最失意時,好多謝珍姐,你邀請我拍《真情》,係我人生轉捩點。嗰段時間我好辛苦,每日瞓兩三個鐘,但我從來無同公司講過,因為我覺得係公司俾我呢個機會。無呢個機會我好難有個安穩嘅家,所以我好珍惜。跟住落嚟要多謝樂小姐,余詠珊,你地俾我嘅支持,令我有好嘅節目,我真係好感激。仲有樣嘢一定要講,TVB呢個大家庭俾我好多支持,同我合作過嘅所有藝人,因為同我合作期間佢哋好體諒我,好鍚我,我唔記得食嘢又買埋嘢俾我食,慳埋都好多。多謝大家,我會繼續努力,報答大家俾我嘅所有一切。」

恭喜晒家燕姐!

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。