【萬千星輝】與盧宛茵鄭子誠奪專業演員獎 歐瑞偉:多謝Terry!

撰文:
最後更新日期:

無綫(TVB)《萬千星輝頒獎典禮2018》剛剛頒獎「專業演員大獎」,由黎諾懿、黃智賢和陳展鵬分別頒給獎項得主盧宛茵、鄭子誠和歐瑞偉。

1973年、20歲已經飾演母親角色的盧宛茵絕對是TVB的御用媽媽,入行45年,做過慈母、惡外母等,非常犀利,從黎諾懿手上接過獎座後,她說:「多謝多謝,好開心,喜極而泣,真係唔使滴眼藥水。(黎諾懿遞紙巾)多謝你,多謝,真係人間有情,多謝TVB嘅教導,多謝高層,多謝同事,最近參演嘅《BB來了》真係好成功,好多謝監製、劇組,畀機會我參與呢個咁精彩嘅劇,令我演技有發揮,我會繼續努力,拍多啲好戲,謝謝。」

(電視畫面)

至於鄭子誠之所以得獎,絕對與他「完美奸人」身分有關,95年處男作即在《真情》中演大奸人子浩,慢慢成為了奸人永恆經典,他接受獎項後說:「從好朋友手上攞分外有意義,我真係唔敢當!」他指自己因為近多專業演員多,所以才變得專業,又稱大部分同事都好有資格拎獎,今次拎獎實屬幸僥倖。

而30年前入行的歐瑞偉則指自己沒有想過拎獎:「所以冇過講啲咩,好失禮,放心我唔會喊,多謝咁多位!」多謝完家人、公司後,他更多謝《愛.回家之開心速遞》的李偉健Terry:「多謝我Terry,多謝你,我拍檔!」

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。