【萬千星輝】梁烈唯爆冷奪最佳男配角 台上哽咽:我曾經想放棄

撰文:董欣琪
出版:更新:

《萬千星輝頒獎典禮2018》的「最佳男配角」競爭相當激烈,基本上幾個人都很有實力競爭這個獎項,最後入圍五強的有張彥博、徐榮、梁烈唯、韋家雄、曹永廉,他們在劇中都有出色的發揮,而韋家雄和曹永廉之前已經得過這個獎項,其他三人的表現一樣非常亮眼!

「最佳男配角」競爭激烈,位位都好有實力!(電視截圖)
+2

結果就由梁烈唯爆冷奪得!這個得獎結果絕對意想不到,唯唯未上台就已經喊晒口,在說得獎感言時更加哽咽:「我早知今日有得攞獎就搵人幫我化妝set頭啦,好多嘢都係我自己整。我好多謝TVB栽培咗我14年,喺呢14年我學到好多嘢。呢幾年發生咗好多事,好多挑戰,我曾經想放棄,但多得身邊嘅朋友、家人支持我,仲有好多位前輩同我傾計。好多謝樂小姐、Sandy喺我最迷失嘅時候俾我工作,多謝《是咁的,法官閣下》嘅監製、茜姐,佢搵我嘅時候講過係諗住我嚟寫,希望我冇令你地失望。因為我好似好耐冇拍劇,呢套係我相隔好耐拍嘅劇。今後日子我會重新出發,更加努力,拍更多好嘅劇集。」

梁烈唯憑《是咁的,法官閣下》爆冷奪得最佳男配角。(電視截圖)

唯唯在最後亦不忘多謝一直支持他的太太:「I Love you!如果冇你一直支持我、提醒我,我行唔到宜家。多謝我個女、父母同我嘅好兄弟山聰、卓羲、林峰,多謝你地。」

+7