【阿嬌結婚】鍾欣潼戶外舉行註冊儀式 正式嫁賴弘國變醫生夫人

撰文:董欣琪
出版:更新:
阿嬌和賴弘國今日正式注冊,結為夫婦。

鍾欣潼(阿嬌)與台灣醫生男友賴弘國(Michael)今日(18日)在香港註冊結婚,儀式在尖沙咀海旁舉行。據指兩人希望低調進行,所以只邀請了30多位至親好友見證,在餐廳的戶外場地舉行注冊儀式,餐廳外可以盡覽維港靚景。現場佈置簡約,以白色為主,有鮮花點綴。會場保安嚴密,參加儀式的賓客陸續到場。

現場佈置簡約,阿嬌着上粉紅色Deep V紗裙,同Michael男才女貌。
+5

儀式在下午近五點開始,到場的包括男家及女家的長輩,英皇老闆楊受成、阿嬌經理人霍汶希、容祖兒、蔡卓妍、鄭希怡、古巨基、關智斌等。兩人宣讀完誓詞後交換結婚戒指,之後更甜蜜錫錫,期間祖兒還大叫:「好嘢!錫多啖,錫唔夠喎。」現場氣氛十分溫馨!兩人錫錫後開始簽紙儀式,楊受成及Michael父親分別任阿嬌及賴弘國的證婚人,一對新人在見證下簽紙。四人合照時,Mani說:「楊生,挨近啲影相啦。」楊生即刻笑說:「我驚Michael嬲呀。」一眾英皇藝人齊齊起哄同阿嬌講:「我唔捨得你嫁呀!」阿嬌還擊:「我好想你哋嫁呀!」祖兒再說:「嫁出去嘅水等如潑出去嘅女。」心水清的阿Sa就即刻篤爆,「係咪講錯嘢呀?好似係嫁出去嘅女等如潑出去嘅水喎。」全場即刻大笑。

一對新人大方咀嘴,好Sweet呀!
楊受成及Michael爸爸擔任證婚人。

儀式完成後,一對新人與在場親友影大合照。眾人之後移師室內向長輩斟茶,阿嬌與老公Michael首先跪地向老闆楊受成斟茶,並由祖兒客串「大妗姐」,飲過茶後,老闆就向賴弘國「訓話」:「你要好好對她(阿嬌),不好的話你就不要來香港。」十分搞笑。

阿嬌與Michael跪地向楊受成斟茶。
+1

好友關智斌更上載阿嬌的行禮片,身穿粉紅色露背紗裙的阿嬌,捧住花球,與西裝骨骨的賴弘國步出露天場地,一對新人在一眾親友的見證下,正式結為夫婦!恭喜恭喜!

Kenny上載阿嬌的行禮片,新娘子好靚呀!(IG截圖)
+13