【多圖】《3日2夜》女神蘇可欣Po制服靚相:每年一到聖誕就諗起

撰文:
最後更新日期:

聖誕快樂!每逢這個普天同慶的開心日子,不少藝人都會開Party慶祝,又或者在網上分享靚相,和一班粉絲講聲Merry Christmas!TVB娛樂新聞台主持蘇可欣(Eunice)昨日(24日)在IG post了一張穿着空姐制服的照片,相中以雪花做邊框,中間寫上「Merry Christmas」,充滿聖誕氣氛!Eunice更留言:「每一年既聖誕 都會令我諗起呢張圖 #missmyuniform」。

蘇可欣2016年參選香港小姐而入行,之前曾做過兩年半空姐。(IG圖片)

25歲的Eunice 2016年參加香港小姐,雖然廿強止步,但都有機會加入無綫擔任娛樂新聞台主持。但其實Eunice入行前曾做過兩年半空姐,她在接受《香港01》訪問時透露,這張照片是以前做空姐時為公司拍攝的宣傳片:「太印象深刻,真係每年一到聖誕就諗起。我以前間公司嘅空姐好多都好靚女,到公司搵我幫手拍片影相宣傳嗰陣,我都心諗,真定假?竟然搵我?因為公司放呢段片上網嗰時我飛咗,到我落機有好多朋友cap圖祝我聖誕快樂,所以我到依家都當笑話咁睇。」

翻看Eunice嘅IG,仲有好多佢以前做空姐時期嘅靚相。(IG圖片)

+9
+8
+7

Eunice這個「空姐Look」獲不少網民大讚,她更不時在網上分享以前的靚相,穿着制服的Eunice,紥起頭髮特別有氣質!她亦坦言好懷念以前做空姐的時光:「制服要還番俾公司架,不過我買咗條制服嘅絲巾留念。其實仲好掛住做空姐嘅時間,習慣咗飛,依家喺香港一兩個月冇得飛都會好唔自在。(鍾意做空姐多啲定做主持多啲?)主持呀,始終可以穩定留喺一個地方,依家飛下就夠啦。」

Eunice以前四圍飛,但自從加入TVB之後飛少咗,佢都坦言好唔慣。(IG圖片)

Eunice曾被傳與泰國電影《出貓特攻隊》中的Nonkul(賓爺)做訪問而撻着,兩人不時在香港和泰國密會,不過Eunice就表示:「我聖誕假、倒數全部都要番工呀。不過我買機票好即興,多數飛之前2日先買,睇下幾時有假啦。」她透露賓爺現在在內地拍劇,不過她就說不會去探班:「唔駛啦,佢都係繼續努力啦,俾心機做嘢,我會隔空支持。」

有傳Eunice同Nonkul因為做訪問撻着,展開一段姊弟戀。(IG圖片)

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。