【大帥哥】遭封殺冇份出席宣傳? 簡淑兒:我要封口呀!

撰文:黃欣華
出版:更新:

張衛健主演的壓軸劇《大帥哥》,除了三位姨太太蔡思貝、楊秀惠和譚凱琪夠晒搶鏡之外,當中飾村長女兒裘娸娸的簡淑兒,憑亮麗的外表加上可愛清純的氣質都收獲不少粉絲。最新一集就講到馬炭(洪永城飾)和裘娸娸(簡淑兒飾)上山採藥時遇到佘南(古明華飾)的手下,洪永城覺得可疑因此撇下簡淑兒,獨自跟蹤古明華的貨車到軍營。簡淑兒放心不下跟蹤他,誤闖古明華的軍事基地而被抓。簡淑兒慘遭古明華虐打,楚楚可憐的樣子,讓人有着想不顧一切都要去保護的感覺!

雖然簡淑兒在《大帥哥》中戲份有較重戲份,但所有宣傳活動都不見蹤影,就連有份參演的《救妻同學會》亦一樣,只見簡淑兒默默自己在社交平台上宣傳劇集。最近就有報導指簡淑兒之所以離奇消失,全因簡淑兒不是TVB親生女而遭到封殺!簡淑兒接受《香港01》訪問被問為何缺席宣傳活動時,她就尷尬稱:「唔講得呀!唔好傾呢方面嘅問題啦,關於合約上面嘅嘢公司要我封口呀!(咁你同公司完約未呀?)仲有半年左右。(咁會續約定離開呀?)傾緊呀,要完約先講得,暫時仲未知住!」

簡淑兒在劇中暗戀洪永城,她透露小學時也曾暗戀一名男同學多年!(劇照)
簡淑兒更曾自己長大後比較大膽,自己亦曾主動追男子!(劇照)

其實簡淑兒被TVB封殺缺席宣傳,相信是因她所屬的經理人公司正在與TVB打官司因而慘受牽連,例子與前師姐周秀娜冇份宣傳《深宮計2宮心計》一模一樣。而今年9月,娜姐就指被與她合作近7年的經理人公司環球狂熱(GME Holdings Limited)毀約,拖欠約355.2萬港元工作酬金,已就事件入稟高等法院控告經理人公司違約,除了追討被拖欠的工作酬金外,更要求法庭頒令宣布她與經理人的合約已告終止,未知簡淑兒會否步師姐後塵不再續約?

簡淑兒去向未明,相信大部分觀眾都希望她繼續拍劇!(IG圖片)

雖然簡淑兒對於合約不方便透露,但她就指不會擔心會影響曝光率,她稱:「雖然暫時未有劇喺手,但我仲有兩部劇未出。(擔唔擔心影響收入?)未有住,我都有keep住出活動做嘢嘅!(會唔會返TVB做親生女?)唔講得住呀,不過我鍾意演戲,拍劇,至於唱歌就隨緣啦!」雖然冇份宣傳,但簡淑兒亦好落力在IG為劇集宣傳,更大讚前輩張衛健:「佢真係人前人後都好好人,冇架子!雖然今次同佢對手戲唔多,但佢好照顧大家,問佢咩都肯答,好值得我哋學習!」

希望簡淑兒在新一年事業更順利!(IG圖片)

點擊下圖睇更多!

+16
你可能感興趣