為百萬行不怕早起怕江嘉敏嘈 陳庭欣:佢男朋友肯要佢真係好偉大

撰文:
最後更新日期:

江嘉敏(Kaman)與陳庭欣(Toby)今早聯同無綫一班藝人齊齊出席慈善步行開步禮。Kaman表示平時她們開工都是這麼早的,不過近排她正在放假,所以今日是她於2019年首次咁早起床。Toby就話Kaman好嘈,一早就好似開籠雀咁樣,令她成個人醒晒,Toby說:「咁早起身其實一啲都唔辛苦,最辛苦係要對住佢,之前拍《兄弟》已經對咗佢半年,佢真係好嘈。」又笑言Kaman的男朋友肯要她真是太好了,Toby說:「好開心有個男仔要咗佢,簡直就係拯救咗地球,佢男朋友好偉大。」

Toby狂窒Kaman好嘈,場面搞笑。(黃國立攝)

一班TVB藝人齊齊參加慈善步行開步禮。(黃國立攝)

問到Kaman平日與男友打機時會否都好嘈,她說:「我會叫佢要留意住啲咩。」Toby即笑她在命令和呼喝男朋友。Toby透露自己明天都有假期,可以約Kaman一起去做運動操肌:「我Daddy睇電視見到佢,話佢有啲Baby Fat。」至於她放假會否陪男朋友?Toby表示:「我要陪我啲鸚鵡先。(鸚鵡排先過男朋友?)係㗎,我啲鸚鵡無自理能力,要我照顧,但係男朋友識得自己照顧自己吖嘛。」

Toby話放假會先陪鸚鵡而唔係陪男朋友。(黃國立攝)

Kaman話同男朋友打機時會提點住對方。(黃國立攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。