林盛斌助手同Bob嫂「撞樣」勁多人認錯 阿Bob:我覺得唔似!

撰文:
最後更新日期:

林盛斌(Bob)和「Bob嫂」黃乙頤(Pearl)一向恩愛,還時不時公開家庭相,一家幾口樂也融融,非常溫馨。不過,最近阿Bob身邊就多了一個女人出現,大家不要諗錯隔籬,阿Bob的「新女」原來是新請了的女助手。

阿Bob不時分享溫馨家庭照,早前他被老婆「捉」去睇日出。(Instagram)

+5
+4
+3

日前,阿Bob便在社交網站公開女助手的廬山真面目,更話由於多了內地工作機會,所以便請了一個普通話流利的妹妹做助理:「佢叫婷婷,雖然只係做咗短短三個幾月,已經有超過二十個人叫錯佢做林太,Bob嫂。」更笑指他與婷婷到上環一間茶餐廳時,有待應問她「咦,過澳門玩呀,你哋啲小朋友呢?」非常搞笑。

好多網友睇完都覺得女助手個樣激似Bob嫂,有人仲留言話:「未睇字前睇圖,我以為係林太!」又有人笑阿Bob「口味始終如一」,更有人提議阿Bob不如請男助理,便可以免除誤會。

不少人認錯林盛斌助手婷婷是Bob嫂,網友睇完相後都話似。(Instagram)

阿Bob接受《香港01》訪問時便直言分享此事博網友一笑:「我自己就覺得唔似嘅!不過真係唔係第一次係咁,有時帶婷婷去做嘢,工作人員都會問『你帶埋太太嚟呀?』」

講到婷婷的工作範疇,他坦言近年開始在內地搞Talk Show,所以都想身邊有個普通話叻人幫口:「幫手講兩句咁,其實佢喺香港都做咗嘢好多年,本身喺娛樂公司做,舊年就轉咗嚟幫我手。(人工好高?)正常價錢啦!(包唔包受你氣?)哈哈,咁我脾氣OK嘅!」又話好多謝網友咁關心這件事。

阿Bob話婷婷唔似Bob嫂。(Instagram)

 

為情人節增添更多意義!請即入去「01心意」平台支持和諧之家,捐款$214,香港01送您兩張「友人抱抱音樂會」門票,同您一齊重新定義214。門票數量有限,送完即止。(推廣日期: 1月9日至1月21日):https://heart.hk01.com/zh/project/10083



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。