【大帥哥】監製徐正康分析點解有膠劇 「太例牌冇心思咪膠囉」

撰文:
最後更新日期:

「網友話無綫拍緊膠劇!你點睇?」

為何要問《大帥哥》監製徐正康這個問題?首先要了解拍劇只是他的副業,他正職是製作部助理總監(戲劇製作),主要職責是提升整體劇集質素,簡單來說,監製要開拍新劇,先要過他這一關,徐正康會為新劇開拍前「把脈」,劇本需要什麼元素?演員配搭?如何有最大成本效益等。

徐正康有留意網民的意見,當然認識謬劇這名詞,他說:「我會同啲監製、編審、編劇分享,點解人哋會話我哋呢部係膠劇呢?你哋有冇檢討下?係佈景呀、畫面定係演員carry唔到個角色?定係劇情太例牌?」

徐正康表示開拍前和劇組同張衞健磨合了很久,希望這套劇不是他的個人表演,而是每位演員都有得發揮的劇集。

正視網民反應

徐監製應該對膠劇的認識不淺,更懂得根治方法:「膠即係好似「啤」出嚟咁,冷冰冰,觀眾完全冇feeling,劇集膠唔膠嘅定義,就係你將啲戲劇元素展現得唔好,咪變咗膠囉,劇情太例牌咪膠囉,點解劇情描述我哋唔花多啲心思呢?譬如你寫感情綫,網友實話係啦,一定三角戀,就算你真係用三角戀,你係要令觀眾覺得估唔到咁出現,咁咪唔膠囉。」

港視當年對無綫進行挖角,拍了不少劇集,時至今日亦對無綫有所衝擊。

一切因為港視

徐正康很想改變觀眾對無綫劇的觀感,除了因為網民討論區的意見,亦因為王維基:「自己有個心結,王維基年代,唔知點解我哋呢到過去嘅人,就突然被高高捧起,留喺TVB嘅就係無用嘅,我唸大家都感到當時嘅氣氛,我覺得唔係好公平,我覺得無綫都有好認真又出色嘅台前幕後,當時揾我返嚟,責任大咗,亦想我幫手提拔啲新嘅監製。」

《跳躍生命綫》在徐正康心目中非常高分,各方面都掌握得不錯,有口碑及收視。

無綫劇愛用感情綫拖戲?

難得同高高層訪談(監製已是高層),當然想將網民意見帶給他,除了膠劇外,大家覺得無綫劇愛用感情線填充集數,有時亦會覺得是因為無綫劇横綫播映,加上集數多,只好用主角愛情線去拖集數,但徐正康對這個說法有保留,「點解一定要講感情?sorry感情線係戲劇元素其中一頂嚟,一定要存在,但如果觀眾覺得冇內容,咁就出現問題,但如果條感情線係有理由地變化,咁就冇問題喇,我唔覺得係長度問題,甚至以前《男親女愛》DoDo同子華,其實潛底嘅感情線一直進行中㗎,但觀眾睇咗100集唔會覺得痳煩...但如果你寫得冇心思,觀眾已預知你下一集變化,佢哋就會覺得你喺度拖喎,但如果你寫得好,令觀眾好投入嘅感覺,主角愛幾多場戲都冇問題,因為佢哋好想睇落去。」

《男親女愛》是徐正康監製作品之一,成功令黃子華去到事業第一個高峰。

慣性收視不是絶對

無綫慣性收視優勢持續,就連網絡亦雄霸,單看Google每年熱搜,無綫劇集名字佔了一半或以上,就知入屋程度有增無減,作為高層大可坐視不理,但徐正康知道不單止網民,就連員工感受都很重要「以前聽到無綫嚟拍劇,真係斟埋茶俾你㗎,而家?你唔好阻到佢揾食呀,快啲拍完呀,時代唔同咗喇,觀眾選擇太多,唔一定睇你㗎;除咗觀眾,員工一樣要有滿足感,如果我哋出嚟嘅作品,收視好,社會效應強,員工自然會興奮啲,包恬我自己都係會更積極去做,成間公司會向好啲。」

+21
+20
+19


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。