【大帥哥.專訪】張衛健用《大帥哥》救港:香港開心指數愈來愈低

撰文:
最後更新日期:

《大帥哥》即將大結局,由2017年年初隆重其事簽約,到拍完跌入倉底,再於不被看好的情況下卻有熱烈反應,無可否認,張衛健的叫座力依然在。多年未在香港拍劇,他不只一次說過,自己當年突然出走,心裡覺得欠了香港人一部劇,所以今次回來不計酬勞,哪怕拍足六個月,都依然要回來跟大家見面。

為咗了結一個心願,張衛健選擇重回香港拍劇。(黃國立攝)

王晶曾經講過一句說話,「最有天份嘅電影演員係周星馳,最有天份嘅電視演員係張衛健」,而張衛健沒有直接回應這句說話,卻不否認上天給予自己的天份,他說:「上帝畀咗一個才能我,去演喜劇,或者創作喜劇,而真正喜劇唔係就咁搵一個人就做到嘅。我唔否定上天畀咗我呢個才能,除咗香港,我仲去咗內地,重新適應用國語創作喜劇,係好難,但經過好耐時間,我終於做到。除咗我自己事業,如果我可以令觀眾減少壓力,呢啲就係獎賞。」

張衛健有喜劇細胞相信大家都會認同。(黃國立攝)

笑帶來力量 願望與全香港人一齊笑

願望是還香港人一部廣東話劇集,再了結這個心願後,張衛健也表示下一次再拍廣東話劇也不知是何時何月,可能是今年,也有可能Never again。不過,他的願望並不只一個,他表示:「年頭弟弟過咗身,我為佢辦身後事。當晚係做追思彌撒,我帶住一個好迷惘、不知所措、好亂嘅心情入教堂,然後見到一位朋友行埋嚟同我握手,面帶微笑同我講:『我叫做乜乜乜,我係今晚為Herny做追思彌撒讀經嘅義工,你哋放心,今晚將會一切順利進行,希望你哋唔好太過傷心。』我嘅感覺就係原來係可以喺個funeral(喪禮)度笑嘅,而呢種笑係一股好強嘅力量,透過佢簡單嘅說辭同埋握手,傳送咗一股力量去我身體形成一個暖流,呢度力好勁,好勢利,好warm。過咗呢件事之後我諗返,我可唔可以做到佢呢個角色,我同佢三識唔七都可以咁幫我,咁我同第二個三唔識七,我好似佢咁做,對方會有咩感覺呢?我估計對方應該同我當日一樣,有一股好暖嘅感覺,咁係咪幾好呢?」

張衛健出生後便受洗,作為一個天主教徒,下一個目標是做追思彌撒讀經嘅義工。(黃國立攝)

身為演藝人,張衛健亦承認自己會有所計算,會考慮如果拍一個湖南衛視的節目可能幾千萬人睇,做一個BIG 4紅館四面台演唱會可能有萬二人,如果在教堂做?幾百人?如果用這段時間做一些更多人看到的事會否更有意義?不過,張衛健用了德蘭修女的一句金句解釋:「好多人未必有能力做大事,但係好多人都可以用大愛做無數嘅小事。」這件事背後的連鎖效應你估不到,於是決定去做吧。

密切留意張衛健專訪part 2。

+5
+4
+3

 

為情人節增添更多意義!請即入去「01心意」平台支持和諧之家,捐款$214,香港01送您兩張「友人抱抱音樂會」門票,同您一齊重新定義214。門票數量有限,送完即止。(推廣日期: 1月9日至1月21日):https://heart.hk01.com/zh/project/10083



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。