【3日2夜】朱千雪預告兩年後先真正復出:大家唔好忘記我!

撰文:
最後更新日期:

朱千雪(Tracy)在有份主持的《3日2夜》中獲得平均14.8點收視成績,最高一集更有15.6點之多,證明了香港觀眾們對她的喜愛有多深。不過在過去的兩年,參與的劇集或節目拍攝卻寥寥可數,只有客串《踩過界》的「戴天恩」以及主持《3日2夜》。到底朱千雪何年何月才會回歸幕前拍劇呢,就連她本人也回答不上。朱千雪:「我都想知吖。」

朱千雪續説:「我而家時間安排哂畀學業,所以一有假期,所以復活期或者暑假,我都會同公司(TVB)商量下。舊年暑假就拍咗旅遊特輯,今年暑假就會同公司傾下有冇節目比我拍。(農曆新年呢?)公司好好嘅,佢哋農曆新年都會放假,所以新年就可以唞下。」

朱千雪同湯洛雯主持嘅《3日2夜》真係好好睇。(資料圖片)

有留意Tracy的都知道,近年她潛心修讀法律。問到她的畢業日子,她回答說:「我而家讀緊PCLL(法學專業證書),都仲有一段時間,所以2019年都仲喺學業中。(預計仲要讀幾耐?)我諗一年幾。(最遲年幾之後可以見返你?)如果大家仲想見我嘅話,咁就有而家到2020年都唔好忘記我啦。」Tracy更一臉認真的叫大家多些追蹤她的社交群組動態,以及多些找她出席活動。「如果唔係,過後我想搵嘢拍,都冇人搵我拍㗎啦。」

朱千雪話起碼仲要讀多年幾先讀完。(林迅景攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。