【3日2夜】湯洛雯驕嗲3句日文挑逗教練 連朱千雪都跟住嗌:靚仔

撰文:
最後更新日期:

浸溫泉或者着泳衣,幾乎係《3日2夜》必有嘅畫面。(電視截圖)

《3日2夜》昨晚(12月1日)播出朱千雪(Tracy)與湯洛雯(Roxanne)主持的北海道篇中最後一集,原來整個旅程攝製隊足足花了10日9夜拍攝,再濃縮成1個半小時的節目,難怪內容如此豐富。昨晚一集的焦點,一定是《3日2夜》的「指定動作」浸溫泉。節目中,Tracy表示這次同時也是她的浸溫泉初體驗,仲大叫:「好爽吖!」而靚湯(湯洛雯)更即時打趣的問Tracy:「點吖?你嘅第一次畀咗我。」不過Tracy卻表示:「本來好好,但係你講完呢句就冇咗幻想。」當然,湯洛雯指的是「第一次」浸溫泉,大家唔好心邪。

其實喺日本浸溫泉,好多地方都唔可以着泳衣或者浴巾落水。(電視截圖)

一邊享受溫泉的時候,湯洛雯、朱千雪一邊談及自己「第一次」浸溫泉的經驗和感覺。朱千雪一臉滿足的說:「我覺得好舒服吖,我好鍾意呢啲呢,出面有少少凍,但係呢度就好溫暖,其實好熱。然後而家冇咩人,淨係得我同你,係咪好浪漫?」不過湯洛雯聽完如此深情的「告白」後,就毫不領情,反而說:「其實我唔想同你咁浪漫。」

重溫上兩集內容:
【3日2夜】湯洛雯粗暴餵食塞蜜瓜包入口 朱千雪一句反擊篤中死穴

【3日2夜】朱千雪高空獨木橋驚到腳震 湯洛雯溫馨提示要笑住行

不過,睇湯洛雯、朱千雪佢哋講下「第一次」嘅經歷同互窒都一樣咁好笑,有冇浴巾其實都冇咩所謂啦。(電視截圖)

不過相比起來,湯洛雯的「第一次」溫泉就比較「精彩」,靚湯:「我記得我第一次浸溫泉係嚇親,我行到入個更衣室已經見到個冇着衫嘅女人,喺我面前行過喺度吹頭髮。」朱千雪問:「咁同啲朋友一齊浸咪好尷尬?。」靚湯回答:「朋友反而OK,但係唔識嘅反而...」這時間千雪卻一臉認真的說:「我覺得同唔識嘅人(一齊浸溫泉)反而OK」靚湯有點驚訝的笑說:「唔識反而OK?!咁Open嘅你!哈哈。」千雪解釋說:「因為你唔需要評論呢一樣嘢,但係朋友好似有個(兀突)。」

估唔到湯洛雯原來識少少日文,仲要講得咁好聽。(電視截圖)

除此之外,節目中亦不乏搞笑環節。例如兩人在「十勝千年之森公園」時,湯洛雯就很大膽的「挑逗」教授電動自行車的教練。湯洛雯同日文問教練:「老師,我玩得好唔好?」教練:「好好,第一名。」湯洛雯追問:「係咪好犀利?」教練:「好犀利。」湯洛雯再追問:「我靚唔靚?」教練:「好靚!」然後就小聲的解釋說:「剛剛這是被誘導說的。」在旁的朱千雪也說:「佢應該會覺得呢份工好難做。」不過千雪也跟著叫湯洛雯教他說日文:「靚仔。」

精華截圖:

+26
+25
+24

湯洛雯、朱千雪靚相:

+15
+14
+13


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。