陳國峰開個唱 Bob出錢又出力:大家好想幫佢完夢

撰文:
最後更新日期:

林盈斌(Bob)今日(14/1)出席好友陳國峰在尖沙咀舉行的《陳國峰1st Live 2019》音樂發佈會活動。這個演唱會將於今年4月6日在旺角麥花臣場館舉行,今次演唱會阿Bob可以話是出錢又出力來支持好兄Penny:「其實今次投資我都只不過是其中一位投資者,但佔好少,其實一聽到佢開騷,二話不說即刻支持,幾多錢唔重要,我認識Penny都有十年八年,由佢做巨星,再有機會做主持再做兄弟幫,不斷見到佢成長,其實佢有個心有個夢好想做一個歌手,開一個屬於自己嘅演唱會,所以我哋大家都好落力幫佢完成呢個夢。」

阿Bob表示家人對新居屋環境非常之滿意。(陳順禎攝)

早前阿Bob租住何民田3千尺豪宅,業主不再續租,限時3個月內要搬遷,因臨近歲晚,搞到阿Bob大為頭痛,不過阿Bob好快找到新居:「依家都裝修差不多完成晒,早前因為有啲節日,所以工程有啲延誤,呢排屋企係會有啲亂,總算係差不多完成,呢排都真係比較忙,又要周圍飛又唔喺香港,真係辛苦太太及屋企啲大人幫我睇住屋企。」

阿Bob近日工作非常繁忙,連想放假陪伴家人時間都沒有。(陳順禎攝)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。