【反黑】續集劇本改足一年 導演宋本中:搞得太大都唔係咁好

撰文:鄺鈺瑩
出版:更新:
為咗《反黑2》,宋本中去年頻頻與陳小春、陳國坤等人開會,至於觀眾期待嘅張耀揚會否參與呢,導演繼續大賣關子。

網劇《反黑》前年播出時好評如潮,連Netflix都即時入手上架,導演宋本中當時亦食住個勢宣布開拍第二季,亦透露喺Netflix協助下,將會有荷里活演員加盟。之不過,講足一年,續集至今仍然未有動靜,唔少劇迷都話等到頸都長晒,到底第二季進度如何呢?導演宋本中接受訪問《香港01》訪問時,不禁表示:「搞得太大都唔係咁好,因為𠵱家要面向國際,故事上改動較多。」雖然宋本中表現有啲愁,不過佢亦同時宣佈「劇本終於搞掂」,並已開始準備前期拍攝工作,他更以「漸入佳境」形容目前的進度。

張建聲上月手執第二季劇本拍照時,其實導演宋本中仲喺水深火熱之中改緊劇本。

《反黑》第一季共30集,拍攝期約為3個月左右,但由於續集全面升級,所以預計有60集、400多組。「因為動作戲份多咗,尤其有幾場會拍得好大型,所以成件事唔同晒。」宋本中指出,續集將與第一季一樣,主力於香港取景,但亦有計劃飛到英國或歐洲拍攝。「因為今次有外國演員參與,佢哋嘅條款比較多掣肘,係可能會有少少影響,但我有信心可以令續集更精彩。」至於主角陳小春、陳國坤、李璨琛等人的檔期,導演笑言雖然略有隱憂,但目前都在掌握之中,所以並不算太擔心,又保證《反黑2》絕對係值得期待。

小羽陳雅婷本身一句廣東話都唔識,但為拍《反黑》已使出死背。劇集佢飾演體貼女友,再加佢不時都流露出一般pure味,甫出場迅即獲一眾劇迷和網民所喜愛,更秒殺一眾宅男,成為新一代女神。

另外,上集飾演體貼女友嘅小羽陳雅婷,於劇集播出後,大受網友歡迎,宋本中亦預告今次會加強佢嘅戲份。「佢嘅伏線都係為咗幫小春,所以會有大嘢發生。」至於飾演反派飾演到入血嘅烏鴉張耀揚,會否借《反黑2》重出江湖呢?  宋本中雖然話有少少棘手,但最後都不忘補充:「會盡力滿足觀眾。」並暗示已經努力「度期」。

《反黑2》劇本其實一早已經有喺手,但由於愈玩愈大,結果導演宋本中用上一年多時間「細執」。
+5