MYRTUS 8面膜含類固醇衞生署籲停用 楊怡滕麗名仲有男星都敷過

撰文:
最後更新日期:

衛生署昨日(14/1)呼籲市民請勿購買及使用一款名為「MYRTUS 8 MASK」的面膜,政府化驗所的檢驗結果顯示,該款面膜含有屬於《藥劑業及毒藥條例》下的第1部毒藥、類固醇物質之一的「氟輕鬆」,不當或過量使用會引致皮膚問題及全身性副作用如圓臉、高血壓、高血糖、肌肉萎縮、腎上腺皮質功能不全及骨質疏鬆等,只能憑醫生處方在註冊藥劑師監督下於藥房出售。而衞生署仍在繼續調查事件。

其實好多藝人都有用過或者為這款面膜宣傳,點擊下圖睇睇有邊幾位藝人:

曾在網上推薦 滕麗名:而家梗係唔用

曾經推介網民使用「MYRTUS 8 MASK」的滕麗名便在一段短片中大讚過這款面膜:「夠貼、夠薄,敷上面唔會似拍鬼片咁嚇親人,美白、護膚、收細毛孔嘅功用,好多Artist都試過,我梗係試下得唔得啦,我試過,真係得嘅。」

問用後有否不良反應?滕麗名接受《香港01》訪問時便說:「咁又冇喎!(而家仲用緊?)咁女士用護膚品永遠唔會用死一隻嘅。(即係仲會用?)而家知道咗係咁梗係唔用啦!」提到面膜是代理商送還是自費購買,她坦言:「佢哋送畀我用嘅。」

滕麗名曾經讚過該面膜夠貼、夠薄,但知道含「氟輕鬆」後不會再使用。(資料圖片)

代理是圈中人? 莊思敏:唔係啦

而莊思敏亦曾經在網上推介過該款面膜,她接受《香港01》訪問時說:「我用嘅時候冇問題呀,之後我停用咗一陣都冇出現問題喎。我同代理溝通過,佢哋就懷疑有假貨流出咗,我平時係直接同佢哋買所以保證正貨。」她又指自己平時亦有用這個牌子的護膚產品,一開始是代理送贈試用,後來覺得好用便自費購買。

談到好多包括TVB藝員的演藝名人都有使用,問是否圈中人做代理,拜託各方好友幫忙推介?莊思敏答謂:「唔係啦!」

莊思敏認為含「氟輕鬆」的面膜是假貨。(資料圖片)

符曉薇用完即敏感 變「白裏透紅」

陳柏宇太太符曉薇昨日玩Instagram直播時,亦分享了衛生署勸市民停用「MYRTUS 8 MASK」新聞,更稱自己當初以為面膜令她皮膚白裏透紅,片段中的陳柏宇聞言即說:「你話你白裏透紅時,我已經話你敏感,唔好咁白痴啦,你第二日都堅持要敷。」符曉薇又話當時敏感到搽幾多粉都補唔返。

另外,衞生署除了呼籲停用產品外,亦建議市民如有懷疑或用後感到不適,應尋求醫護人員的意見,更可於辦公時間內,將有關產品交予灣仔皇后大道東213號胡忠大廈1856室衞生署藥物辦公室銷毀。

根據法例,非法售賣或管有第1部毒藥均屬刑事罪行,均屬刑事罪行,每項罪行最高罰則為罰款10萬元及監禁2年。

陳柏宇太太符曉薇指自己用面膜後敏感。(Instagram)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。