黃澤鋒52歲太太高齡陀B 51歲準備做老竇:2019願望成真

撰文:張嘉敏
出版:更新:

現年51歲前無綫藝人黃澤鋒與現年52歲的太太陳麗麗於2010年結婚,兩人一向都好喜歡小朋友,可是婚後一直未有好消息,而剛踏入2019年不久,兩人終於有喜訊要宣布喇!呢日黃澤鋒於他的facebook出post貼了一張BB粉紅色手套的相,並留言表示:「#1+1=3 #2019願望成真 #以欣喜之心迎接新生命的來臨 #一家三口 #樂也融融。」同大家開心share他同太太即將要迎來新生命,真係恭喜晒呀!

黃澤鋒同太太結婚9年一直好恩愛。(FB圖片)
佢哋就嚟做爹地媽咪喇!(FB圖片)

黃澤鋒並未有透露BB的性別,不過見他相中的手套是粉紅色,未知可會是女仔呢。其實兩人咁鍾意小朋友,仔女都絕對無所謂啦,最緊要BB健健康康。而他的太太屬於高齡產婦,兼且又是頭一胎,當然要萬事小心啦。據悉,BB的預產期在今年的7月,而黃澤鋒亦已經着手為做爹地媽咪作好準備,且要加倍努力工作搵奶粉錢了。

51歲嘅佢仲KEEP得好FIT㗎!(FB圖片)

問到兩人是否婚後至今9年來都有努力造人,他說:「我哋結婚時都已經40幾歲,一直都無避孕,有就係福氣,無就算,其實過咗咁多年都無諗住有㗎喇,亦無刻意去用咩方法嚟造人,所以知道時都好驚喜,既驚且憂,要好勤力去搵奶粉錢,大嘅唔食細嘅都要食吖嘛。大家有Job記得搵我,我咩job都接,搵得幾多得幾多。」他又謂兩人有做過身體檢查,都是健康正常可以生育的,只是多年來一直未有成功。

佢話同老婆都身體健康,生B無問題的。(FB圖片)

那麼今次是有甚麼懷孕的秘訣?黃澤鋒說:「我同太太都係教泰拳嘅,我仲要教埋游水同拍戲,兩個都真係好忙,佢教拳一星期教足7日,日日朝10晚11,可以話係年終無休,係農曆新年先會放幾日假,好辛苦,每日收工已經好攰,個人又會好stressful。到咗上年6月佢決定辭職休息一下,抖咗幾個月,之前太辛苦喇,休息呢段日子個人先可以好好放鬆,就係咁就中咗喇,所以休息同放鬆心情真係好重要。呢個係我哋同BB嘅緣份,亦係天賜嘅禮物嚟。」他笑言現在當正太太是女皇一樣服侍,太太沒有特別的護胎規則要遵守,但因為是高齡產婦故要聽從醫生吩咐盡量多臥床。

佢同老婆結婚9年至今一直非常恩愛。(FB圖片)

一齊睇下呢對準爸媽嘅相啦。

+5