是非精搞年宵檔 王祖藍撐場:啲女仔應該係最好賣 

撰文:
最後更新日期:

梁嘉琪聯同幾位「是非精好姊妹」湯洛雯、馮盈盈、張寶兒、張秀文、鄺潔楹以及一班幕後工作人員喺觀塘年宵擺檔,由於每晚都有唔同嘅小花助陣,所以生意都算唔錯,而身為梁嘉琪好友嘅王祖藍昨晚亦專登現身撐場打氣,吸引不少市民圍觀看熱鬧。

祖藍特地到觀塘年宵為梁嘉琪、馮盈盈等人打氣。(黃國立攝)

已經有近十年無行年宵嘅祖藍話自己對上一次現真身,好似都係幫朋友撐場,而呢日佢一行到埋檔,就同幾位是非精講:「你哋個檔賣乜㗎,賣無敵豬頭炳?」祖藍之後更笑言最好賣應該係啲女仔,「我見啲男士們過到嚟五百一千咁,好緊要架,完全好似提款機咁,總之啲女仔埋去講句嘢就有錢賺。」

祖藍忙於宣傳新戲,不過佢話應該都會有時間帶囡囡去拜年。「今早有牧師嚟屋企,祝福我個女同屋企人,做完祈禱我就出門繼續做嘢。」(黃國立攝)

首次執導嘅《你咪理,我愛你!》上映,祖藍日日都到戲院謝票,他指每次聽到觀眾的笑聲、再跟對方直接交流是最溫馨的。「今年競爭好大,不過都係好事,就好似呢個年宵咁,百貨應百客,要正經有正經、要歌舞有歌舞。」為了宣傳新作,祖藍就連新年都要開工,問到可有抽時間喺屋企洗邋遢,他說:「你問嗰陣都笑啦,大家都應該知我無,依家最希望係可以盡快謝完票同老婆去旅行。」

【周五心意運動】您捐一封$50利是,已可為基層送上溫飽,01心意呼籲您支持【香港青年協會】 ,每$50即可製作5碗愛心湯和心意禮物https://heart.hk01.com/zh/project/10095



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。