董敏莉向陳如楓拜師學瑜伽修身 湊女患媽媽手：刷牙都痛到郁唔到
撰文：洪曉璇
出版：更新：
董敏莉（Monie）日前拍攝香港開電視娛樂新聞賀年節目「年年有瑜」，向瑜伽導師陳如楓拜師學藝，學習親子瑜伽之餘，順便產後修身。董敏莉就話做運動，同時可以陪愛女子子，作為全職母親感方便：「最近想操返個身體復工，電台同事都有問我幾時返去開咪，但係我真係唔捨得個囡，之前就計劃過年後，不過而家都想再推遲少少。」
董敏莉囡囡子子已經兩個幾月大，眼大大相當精靈。（董敏莉IG）
董敏莉向前有線主播，現職瑜伽導師嘅陳如楓拜師學藝，學習瑜伽修身。
導師教Monie幾招瑜伽動作，拉鬆背肌之餘，舒緩全職媽媽的疲勞，董敏莉就話現在全副心思集中在愛女身上，未有考慮「追多個」：「因為陀B時我照到有肌瘤，所以醫生都話要搞掂晒先可以諗下一胎，所以唔計劃得太長遠！」
自從囡囡出世後，Monie成副心機放喺湊女上面，復工日子一推再推。
Monie自產後作全職媽咪，因操勞過度患上媽媽手：「我之前連刷牙、洗頭都痛到郁唔到，叫老公幫手睇住個囡，點知老公都話佢開始有爸爸手，開始感受到我嘅痛楚，睇黎要搵一個三人行嘅親子瑜伽。」