【小Q】梁詠琪幫囡囡儲起利是錢 被Sofía反問點解唔畀佢?

撰文:賴家杰
出版:更新:

梁詠琪(Gigi)昨天(12日)晚上出席電影《小Q》的煞科宴,戲中Gigi飾演任達華的妹妹,戲中更與導盲犬有多場戲份:「呢套戲會喊,導演做初剪我已經喊到眼濕濕,同狗狗演戲實有困難,不過我個part比較容易。」

梁詠琪(Gigi)昨天(12日)晚上出席電影《小Q》的煞科宴。(黃國立攝)

在拍攝期間Gigi也帶同女兒到片場與狗狗一起玩:「佢嚟過一兩日,因為有啲狗仔bb三個月大真係好得意,我都好想佢嚟望下摸下,佢見到好想帶返屋企,我同佢講過多一排就好大隻,佢就話咁唔洗,一隻就夠。」

Gigi笑言與狗狗拍攝的戲比較簡單,任達華與狗狗部分比較困難。(黃國立攝)

新春期間Gigi也帶著女兒四處拜年,女兒也收了不少利是,Gigi笑言會幫女兒先收起將來再給她,不過她就遭到女兒反問,「我話幫佢儲起銀行,佢就問我銀行乜嚟,我就話係幫你儲錢的地方,佢又問我點解佢無銀行,我就話妳未夠18歲囉,所以全部畀哂我。」