【渣打馬拉松2019】首戰半馬向陳山聰取經 袁偉豪:好大壓力!

撰文:
最後更新日期:

Ben表示只有自己一個人跑難免都有少少孤獨,不過能跟眾多香港市民一起跑,他覺得很滿足。(葉志明攝)

身為「Crazy Runner」一份子的袁偉豪(Ben)平時參加山路越野賽就參加得多,今早(17日)他現身尖沙咀出戰21公里的渣馬半馬賽事,女友張寶兒亦有同行支持:「其實早4、5年前參加過一次10公里賽,新一年想搵啲新挑戰,就即刻喺一個月前先練跑操返。」他坦言平時練跑最多都只跑15公里,不過始終做開運動,Ben對自己有信心:「最尾幾公里應該都捱到返嚟嘅!」

Ben坦言自己平常跑山路居多,參加以跑街路為主的馬拉松理應更有優勢:「跑下山路啲腳都會有力啲喇,面對斜路、甚至傳說中嘅西隧,或者西隧出面嗰啲位希望都會運用到!」

一年一度的渣打馬拉松今早展開,袁偉豪(Ben)迎戰半馬賽事,女友張寶兒亦有同行支持。(梁碧玲攝)

Ben說昨晚11點多入睡,到凌晨4點就因緊張而睡醒。(葉志明攝)

第一次跑半馬,Ben稱早已特意向同是「Crazy Runner」的陳山聰取經:「尋晚佢都畀好多貼士我,叫我著啲啱少少、個底唔好太薄嘅鞋。佢都叫我要留意返幾時要補充好體力,每10公里要食返啲Gel(能量啫喱)。」

Ben表示希望能在兩小時左右內完成賽事,並笑稱「Crazy Runner」給他很大壓力:「我啲兄弟對我好有信心話我兩個鐘頭內會返到嚟,咁我就承佢貴言啦!」

【周五心意運動】您捐一封$50利是,已可為基層送上溫飽,01心意呼籲您支持【香港婦女中心協會】,每$50可為1個基層家庭送上暖湯https://heart.hk01.com/zh/project/10064



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。