屢傳應采兒有喜 陳小春終回應傳聞:多謝你哋

撰文:
最後更新日期:

陳小春昨日(25日)出席德晉集團春茗活動,關於他將會繼續在內地舉行演唱會,小春表示:「其實過年前都做左幾場㗎喇,基本上成個rundown熟晒㗎啦,只不過過咗個年之後呢,你過年就會食嘢啊,但好在我自己有keep住做運動。我覺得(演唱會)ok嘅,反正仲有成個月。」

小春將會繼續自己的巡迴演唱會。(梁碧玲攝)

小春一向跟鄭伊健和錢嘉樂等人非常老友,但他就表示若果要找他們擔任自己演唱會的嘉賓是一件難事,他說:「請佢哋做嘉賓?好難㗎!呢個喺柬埔寨,呢個喺馬來西亞,呢個又要開演唱會,好難請佢㗎嘅。但係如果一搵佢哋,我諗佢哋都應該義不容辭嘅。」

小春表示不會邀請太太和囝囝做自己的演唱會嘉賓。(梁碧玲攝)

小春太太應采兒被屢傳有喜,會否都想生個豬女?小春說:「多謝你哋,承你貴言。係咪豬女,我唔知啊,如果有喜事我一定第一時間通知你哋。」小春也補充造人大計還在努力中。

小春稱會到兄弟鄭伊健的演唱會撐場。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。