MIRROR望於4月出新歌 姜濤稱表妹暫專注學業

撰文:
最後更新日期:

男團MIRROR昨日(25日)出席德晉集團春茗活動,隊長Lokman透露將會推出一首新歌,並希望能於4月派台,大碟就大概會在年中推出,他說:「嚟緊我哋隻大碟就係會有《一秒間》、《ASAP》,咁希望會有兩首都係12個人嘅歌,咁其他就會分組,分啲小組,有啲可能2、3個,有啲可能4、5個咁樣。」並補充:「我哋會有慢歌,因為之前都係sell我哋係熱力澎湃男子跳舞團體,今次我哋都會有抒情歌,嚟緊我哋嘅新歌都會係一首比較慢啲嘅歌。」

MIRROR昨日(25日)全員出席活動。(梁碧玲攝)

被問到MIRROR獲邀擔任吳業坤個唱嘉賓,感受如何,Edan在旁搞笑地歡呼了一聲,Anson Kong補充:「我哋係好開心嘅,因為紅館呢個舞台應該係在座咁多位一個夢寐以求嘅舞台,咁我哋啱啱經歷完九展呢個對我哋嚟講一個咁大嘅舞台,可以咁短時間再上多個大啲嘅舞台,其實我哋係好開心都好感恩嘅。」

Anson Lo表示暫時拍節目玩遊戲沒有底線,但Edan說指著他說:「佢無底線咋,有咩搵佢哽。」(梁碧玲攝)

《花姐ERROR遊》受到觀眾關注,MIRROR會否想仿效,跟經理人花姐去旅遊?MIRROR就要問問花姐的意見,Lokman開玩笑地投訴花姐跟ERROR去但不跟他們去。近期有報導關於姜濤的表妹,他表示表妹對於自己多了人認識感到開心,但暫時還是想先專注學業,暫未有入娛樂圈的打算。

姜濤稱他的表妹暫時會專注學業上。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。