【喱騷】JB 由200磅肥仔變條柴 杜汶澤震驚:點樣節食法呢?

撰文:
最後更新日期:

杜汶澤的網台《杜汶澤喱騷》自開播以來一直深受歡迎,節目內容多數以惡搞和抽水形式諷刺時弊,憑着大膽又出位的言論吸引不少觀眾追看。當中《Genius Bar》這個Live的節目就由杜汶澤、盧覓雪和貝依霖主持,不少網民都守候在電腦前等待節目直播,相信大家都有留意到節目正式開播前一首無限Loop的歌曲《點解咁撚肥》。

新一集《Genius Bar》請來本地Rapper JB即場獻唱《點解咁撚肥》。(影片截圖)

在新一集《Genius Bar》一開始,杜汶澤就表示有網民投訴《點解咁撚肥》太洗腦:「好多人都投訴我哋個節目開之前不停播嗰隻洗腦歌,即係我專登揀畀你(盧覓雪)嗰隻《點解咁撚肥》呢。好多人投訴話重複咁樣播又唔開Live,所以我直頭請咗JB今晚上嚟現場唱一次,我問你死未!Ladies and gentlemen,JB!」

平時睇片就睇得多,終於可以聽到JB唱Live,現場觀眾當然好興奮!(影片截圖)

+4
+3
+2

其實這首歌是本地新一代Rapper JB在去年推出的一首作品,將肥胖的迷思寫入歌曲當中。雖然JB父母是菲律賓人,但他是在香港土生土長,是一位菲裔香港人。歌曲一推出就迅速在網上受到關注,除了因為節奏感十足之外,「點解咁撚肥?點解咁撚肥?你食嘢求撚其。點解咁撚肥?點解咁撚肥?你食嘢亂咁嚟」,歌詞直白又保持重疊的唱法,的確很洗腦,令人一聽再聽。

JB去年推出的歌曲大受歡迎。(影片截圖)

+3
+2

別以為這首歌是攻擊一眾「肥仔」、「肥妹」,其實完全是JB的心聲:「因為我以前都係一個200幾磅嘅肥仔。我本身係跳舞先嘅,係一個Dancer。(咁撚肥有人請你做dancer?)唔係,自己跳舞去玩比賽嗰啲啫,Freestyle嗰啲,跟住開始跳舞之後就多咗運動,因為太大舊覺得好唔靈活,就覺得不如瘦返啲好啲,所以就控制食量同做運動。」

點都估唔到,JB曾經係個肥仔……(影片截圖)

+5
+4
+3

JB由一個200多磅的肥仔,到如今這個瘦削的身型,不止現場觀眾表示震驚,杜汶澤都忍不住問:「咁控制成點先可以由200幾磅減到好似條柴咁呢?點樣節食法呢?」JB透露最重要是要適量:「唔好食到太飽,有啲人慣咗食到好飽先至停,其實可能食慢啲,你食得慢就容易飽啲,就唔會食好多。」其實減肥始終離不開兩個要素:運動和飲食,但最重要就是堅持!

JB早前都有玩「10 year challenge」,變化真係好大。(IG圖片)

+10
+9
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。