好友勝利被爆涉嫌提供性招待 林夏薇:係有共同朋友,好耐冇聯絡

撰文:
最後更新日期:

去年6月,林夏薇駕駛回家被保時捷四驅車攔腰撞倒,早前這位保時捷四驅車司機被判不小心駕駛罪不成立,她今晚(3日)出席慈善晚宴接受《香港01》訪問時表示,當作這次意外純粹是自己不幸運:「其實之前都唔係我告佢嘅,係警方同埋律政司告佢,如果要上訴都要睇返律政司佢哋要唔要選擇上訴,我都控制唔到。」

林夏薇今晚(3日)以主禮嘉賓身份出席慈善晚宴。(梁碧玲攝)

她坦言意外發生後對事發地點埋下心理陰影,問她之後對駕車會不會失去信心,而選擇乘搭公共交通工具?她笑言:「我最近都有搭,我有時覺得公共交通工具好方便!不過自己都會揸返車,唔會有影響嘅。」

她坦言交通意外發生後對事發地點埋下心理陰影,不過還是會繼續小心駕駛。(梁碧玲攝)

韓國團體BIGBANG成員勝利日前被爆投資的夜店Burning Sun捲入販毒、傷人及性騷擾,他更涉嫌為拉攏投資者提供性招待,而身為好友的林夏薇表示沒有留意事件:「其實之前大家都係有共同朋友一齊,佢嚟到都係喺餐廳一齊食吓飯,都唔會有咩特別活動。」有報導指事件曝光後,勝利將取消今月12日的訪港行程,更會在今個月提早入伍,夏薇會否於勝利入伍前與他見面?她說:「其實都好耐冇見到面喇,所以有機會佢嚟香港嘅話睇吓有冇機會見面啦!」

林夏薇經常都招待不少藝人好友到自己的火鍋店食飯,BIGBANG的勝利都曾經到過她的火鍋店支持。(林夏薇微博)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。