【亂世兄弟旅行團】古巨基森美去日本爆房 竟然勾起老婆生仔畫面

撰文:冼燕珊
出版:更新:

「亂世兄弟古巨基 x 森美旅行團」日前(7日)播出第四集,今次佢哋兩兄弟竟然走去爆房!其實係想帶大家見識一吓日本嘅「Love Hotel」。森美仲大唱基仔嘅名曲《爆了》,仲封呢隻歌做「爆房歌」。

古巨基和森美找來YouTuber Mao一齊爆房。

基仔喺Love Hotel門前鬼鬼鼠鼠,驚俾人知佢哋兩個去爆房,不過森美一於少理,「你唔同我爆同邊個吖,唔通同老婆咩?有冇試過呀?」基仔即刻靜咗,唔通……

森美問完,基仔靜咗......

今次基仔同森美特登搵咗日本旅遊達人-YouTuber「貓貓TV」的主播阿貓帶路。入到第一間「性態實驗」房,基仔同森美即刻「嘩」咗出嚟,竟然勾起森美嘅回憶,「產房嚟㗎喎呢個!我認得佢呀!想當年我都生過小朋友。」係佢陪佢老婆入產生仔,仲即場示範點瞓上張床添!

森美即席瞓上床示範生仔,好搞笑。

森美見到張床對住塊鏡即刻好興奮,仲跳上去「試床」,「因為我咁大個仔都未去過時鐘酒店,佢哋成日話有鏡,呢度真係有鏡。」隨後佢仲叫埋攝影師齊齊對住塊鏡「試床」。

森美見到床前有塊鏡好興奮,仲搵埋攝影師「試床」。

之後佢哋去到另一間「地獄」主題房,房內擺滿「玩具」,見到一個類似健身器械的設施,森美急不及待埋位玩,然後又扒喺馬玩具上,被基仔用皮製板拍打;之後佢又見到一個「入錢唱K」的裝置,然後拎起玩具「咪」大唱基仔的《愛與誠》,基仔見機不可失,即刻將森美手上的「咪」拍向佢下巴,搞到森美大聲慘叫,森美笑住話:「大家可以嚟呢度唱番首歌,不過要揸穩支『咪』,因為會『郁』嘅。」基仔表示呢個唔啱佢玩:「我唔啱用呀,我有手汗,佢會震,會跣走呀。」嗰支識震嘅咪其實咪就係按摩棒囉。

咦~~~~~好慘呀森美!

其他精彩畫面:

+3