【美女廚房】黎紀君自資50萬開蛋糕店:賺錢唔係最大夢想

撰文:
最後更新日期:

黎紀君(Christy)都上過《美女廚房》,不過淡妝上陣實在冇乜人認得。(截圖)

俗語說:入得廚房,出得廳堂,即是形容女生除了樣子出眾,亦煮得一手拿手小菜。2015年第四代「邦民女」黎紀君(Christy Lai)在新一輯《美女廚房》節目中,以廚師身份出現,令不少網民感到驚訝。原來這位今年才25歲的女生如今已是一間蛋糕烘焙店的老闆,她接受《香港01》訪問時說:「最初去台北學翻糖蛋糕,其實當時只係當興趣班咁上,後來過咗個幾月時間,諗好咗個概念同運作,先決定開舖。」

入得廚房,出得廳堂,真係完美女友。(IG圖片)

開蛋糕店為事業另開闢新道路

問到開店做老闆的原因,她笑言:「只係開喺觀塘工廈區嘅Workshop。你知模特兒呢一行本來就係比較被動,自己努力之外都要靠別人欣賞你,先可以擁有嗰個機會,所以與其喺度等機會,不如自己都闖一番事業,最起碼所有決定都係自己控制,又可以主動啲搵合作機會。」她透露,當初創業大概用了50萬(牌照、裝修等),而每月租金又需要2萬左右。「使幾錢暫時好難衡量,要視乎係咩類型嘅堂,蛋糕堂會比較多使費,餅乾類就會少啲。而家都係啱啱起步,我希望做好自己品牌,多啲人認識『Sugar Please』,所以都唔會太計較每個月使咗幾錢,盡量做到收支平衡就得啦。」

黎紀君的蛋糕店亦會開班教學生。(受訪者提供)

一個月收入超過6位數

收支平衡,是否就代表著「有少少錢賺」呢?她回答說:「賺錢唔係我最大嘅夢想!做蛋糕同埋甜品令大家開心先係。不過我都好幸運,每個月Workshop收入都幾好,都有額外收穫。」這個「額外收穫」有多少?她笑說:「哈,搵幾多係秘密,可以講嘅係每個月收入有6位中上數字。」同時她也表示,以每日做兩至三個蛋糕的進度來說,生意尚算不錯。「我哋公司係斷層計,一層蛋糕大概$800至$1600左右,視乎款式難度而定。客人有特別要求,我們也會親力親為設計同埋整,每個都係自己親手做㗎。」

很多特別訂做的蛋糕也是由黎紀君自己親手做的。(IG圖片)

走「少女風」吸引客人

現在市面上有很多同類型的烘焙店,會用甚麼甚麼方法突圍?她說:「我個Shop都係粉紅色嘅,所以蛋糕作品也會偏向少女風,好多人買完下次都會繼續搵我哋。同埋每個蛋糕都唔會一樣,呢個都係我點解咁鍾意(整蛋糕)嘅原因,因為感覺每次都係接受緊唔同嘅挑戰,完成每一個作品,又會諗下次有乜可以改進,做出嚟好成功嘅話,滿足感都好大㗎!」

黎紀君話每件蛋糕最少都要三個小時才能完成,成品真的很不錯。(受訪者提供)

Christy整嘅翻糖蛋糕個個都好靚!

+7
+6
+5

做蛋糕訓練自己耐性

關於在香港開蛋糕烘焙店或整蛋糕的難處,她說:「香港天氣其實做蛋糕嘅惡夢,因為天氣實在太潮濕,尤其係整翻糖,如果太潮濕嘅話就會好難存放,作品也是。同埋整翻糖蛋糕要好有耐心,對以前嘅我嚟講,成日無時停,可能會比較難,但係下了決心開蛋糕店後,我個心都穩定咗好多。而家安安靜靜坐底,用幾個鍾內完成一個大型蛋糕都已經冇問題啦。」

+16
+15
+14


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。