真男神情史多到數唔晒 王宗堯:我呢啲係神級命水!

撰文:
最後更新日期:

受女性歡迎的王宗堯坦言自己數唔晒溝過幾多女。(影片截圖)

王宗堯有名叫男神,當然身邊不乏女性朋友喇。早前他就上了杜汶澤在奇妙電視的節目《杜汶澤食住上》,回顧過往的情史,向來有話直說的他,想也不想就話:「數唔晒(溝過幾多女)。」聽落真心霸氣,要高度膜拜這位真·男神。不過,王宗堯出身小康之家,家人本來就做生意,家境不錯;加上他曾在外國浸過鹹水,讀過倫敦大學學院,型仔、背景好兼且有學歷,條件優厚,一句到尾:追女仔其實唔難囉!就此回顧一下他的圈中女友,就咁數都有5、6個!

dada未紅的時候同過王宗堯一齊,兩人識於微時。(資料圖片)

 

陳靜 Dada

講起王宗堯女友,就一定要由Dada數起,話晒係王宗堯第一個圈內女友,而Dada當時都只得21、22歲,兩人算是識於微時。雖然最後都係分手,但是再見亦是朋友。陳靜早幾年受情緒困擾,一度消失在娛樂圈,而王宗堯都以前男友的身分支持對方,希望dada可以繼續堅強。

+2

王宗堯拍親拖都會公開,就好似之前同黎紀君咁。(資料圖片)

 

 

黎紀君 Christy

要數王宗堯的女朋友,大多數都是靚女,第二個特點就係後生、青春。就好似黎紀君,當時22歲就同王宗堯拍拖。兩人拍拖8個月就宣布玩完,據知是王宗堯提出分手,不過他講到揀年紀細的女朋友,說:「其實係幾好,當中有佢嘅好處。」所以就此看來,王宗堯都keep住搵比較年輕的女朋友。

+3
+2

浸大E神而家一頭短髮,唔同咗好多。(Instagram圖片)

 

楊焉 Carol

原來「浸大E神」都是王宗堯的前女友。想當年盛行「𡃁模」的時代,Carol風靡一時,因為她驕人的身材,迷倒不少男生,所以王宗堯不避諱地承認同對方拍拖。大家都會好奇怪,點解而家唔見Carol蹤影?因為她已經收起性感,剪了一頭短髮,轉行型格路線,由楊梓瑤改名為楊焉,唔講真係唔認得!

+5
+4
+3

蔡潔早前自行與王宗堯分手,男方覺得好莫名奇妙。(資料圖片)

 

蔡潔 Jacky

蔡潔是影壇新人。王宗堯與黎紀君分手之後,火速與蔡潔戀上,王宗堯曾經在ig放閃,上載一張他剃鬚、蔡潔吹乾頭髮的照片,疑似同居。不過好可惜兩人拍了半年拖左右,王宗堯就被分手。他在節目重提此段戀情,都覺得蔡潔在傳媒面前自行分手,自己再由新聞被通知戀情告吹的感覺是莫名奇妙,但他已經覺得無所謂,都已經過去了。

哎喲不約而同地去同一間餐廳食嘢啵。(Instagram圖片)

蘇皓兒 Chloe

會過去的,全因為舊嘅唔去,新嘅唔嚟。早前王宗堯就疑似與青春組合As One的Chloe秘密約會,兩人不約而同post食飯相,但就被發現兩人身在同一地方,懷疑秘密拍拖。王宗堯其後表示和Chloe只是朋友,又稱即使和Chloe相隔十五年也沒有代溝,但希望一切順其自然。不過肯定的是,男神魅力沒法擋。

+4
+3
+2

 

陳詩雅 Sarah

同樣都是模特兒的Sarah,是Angelababy的師妹。她與王宗堯被拍到當街接吻,王宗堯表示兩人相識有一段時間,本來就是朋友,俾杜汶澤笑言:「原來你係咁樣了解一個朋友!」非常搞笑。

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。