《Yes!》校草冠軍與周柏豪撞晒樣 陳晉熙:都有好多人話似!

撰文:
最後更新日期:

雖然青少年雜誌《Yes!》已經在2014年正式停刊,但由它創辦的「全港校花校草選舉」原來仍然繼續有搞落去,上年更與微博合作,舉辦新一屆校園靚仔靚女選舉──「微博 X YES!校花校草2018」。或者活動太低調令你沒有留意到,其實這屆勝出的校草絕對稱得上養眼之人,更有九成似周柏豪。

點擊下圖觀看周柏豪靚仔相:

+5
+4
+3

20歲未到 比姜B更年輕

到底這位翻版周柏豪是誰?其實他叫陳晉熙,現時只得19歲,1999年7月出世,比《全民造星》冠軍、男團MIRROR主將姜濤還要年輕3個月,正在香港專上學院讀書。他在YouTube上的自我介紹片段裏面,便指自己非常熱愛運動,既有擔任主持的經驗,亦喜歡演奏鋼琴,而他進入十強後又拍多了一條「終極挑戰片」,翻唱周柏豪的《傳聞》,雖然他的歌藝有待雕琢,但唱腔的確有幾分周柏豪的影子。

袁偉豪陳年青澀校草Look曝光 稱貪得意參賽贏3千元冠軍獎金

陳晉熙的確有幾分似周柏豪,就連胡鴻鈞都話佢似樣。(Instagran)

似柏豪是讚賞 陳晉熙:我以佢為目標!

到底陳晉熙會否正式入行?他接受《香港01》訪問時便透露《Yes!》正籌備拍攝青春電影,有機會在裏面飾演其中一個角色:「我自己都有興趣喺呢方面發展,而家都有跟老師學唱歌,最近工作都係幫品牌平面相,希望可以有多方面發展。」提到他貌似周柏豪,他坦言:「都好多人話似,我覺得呢個係讚賞嚟。其實佢係我偶像,我都以佢為目標,因為佢係一個好全能嘅藝人,但我唔會抄佢,我會搵自己嘅方向。」

除了樣貌,陳晉熙和他的偶像周柏豪其實還有一個共通之處,便是都好喜歡打籃球:「我中學時都係打波,有打乙組,有時有啲人直接叫我『周柏豪』,但係我冇刻意扮佢。(咁樣咪有好多女包圍住你?)中學時有,因為除咗打波,我仲跑學界,會有啲師妹專登嚟睇,但係而家冇喇,因為冇特別識好多朋友,主要都係讀書。」問畢業後會否做全職藝人,他便指現時正修讀商業相關課程,但發現不太適合:「呢一年會轉科,轉讀數碼音樂之類,我覺得啱我多啲。我會盡力試幾年做藝人先,冇進步就要認清事實。」

+21
+20
+19


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。