【亂世兄弟旅行團】同森美玩18禁玩具 古巨基親試生命中最辣食物

撰文:
最後更新日期:

「亂世兄弟古巨基 x 森美旅行團」於14日播出最新一集,繼「遊覽」東京情趣酒店之後,今次再下一城,試玩日本激安店之「玩具」!

工作人員一早已為基仔同森美準備好一堆寫著「大人之粗品」同「18禁」的玩具。他們首先抽出一隻成人卡通光碟,二人已經「好興奮」,冷靜片刻後,基仔繼續伸手入盒內「潛」出一件「腰振!monster!」的印花Tee,而森美抽出一枝成人玩具「震震棍」之後,他即刻「隊」向基仔塊面,不過基仔一點都沒有生氣,笑言:「拍節目玩咋嘛,嗰枝嘢好似化妝師幫我碌面嘅瘦面棒。」咁基仔有無玩過這些成人玩具呢?「梗係冇啦!以前行激安嘅時候,經過呢啲賣成人玩具嘅檔,都急急腳快啲行過,視線都唔敢望,驚其他遊客見到會以為我想幫襯。」基仔說。

基仔直言從未玩過成人玩具,次次路過都加快腳步,連看都不看,驚遊客以為他想幫襯。

除了成人玩具,片中基仔同森美還試食「18禁激辣薯片」,基仔更解釋「18禁」的意思:「『唔係人咁品』咁解,係要好夠膽,而且年紀要大個啲先可以試。」講起來簡單,試了之後兩人卻辣到連話都講不出,基仔更食到「喊」!事後他說:「呢個係我呢世人幾十年來食過最辣嘅嘢!辣到講唔到嘢,工作人員諗住幫我解辣拎咗支水畀我,一飲之下發現係氣泡水!原來食辣再飲氣泡水,係會再辣十倍!辣到我眼淚都飆晒出嚟!要即刻去雪櫃攞個牛奶奶凍含住喺口先至可以解辣咋!」

基仔稱「18禁激辣薯片」是自己幾十年來吃過最辣的食物。

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。