【熱血合唱團】事前不知劉德華參演 林愷鈴:好多人喊得好犀利!

撰文:
最後更新日期:

「最美星二代」、龔慈恩女兒林愷鈴(Ashley)今日聯同韓國組合f(x)成員Krystal,還有吳千語、徐濠縈等人出席品牌藝術裝置發布酒會。Ashley在本月3日度過19歲生日,不過她自爆當日發生蝦碌事:「嗰晚喺沙灘食嘢,食食下突然有隻曱甴爬上我隻手度,於是我自然反應揈開咗佢,但摷咗我哋啲衫同袋好耐都搵唔到(隻曱甴),最後搵番處理咗佢。」Ashley又發現天上出現多顆星星,對她而言是珍貴而難忘的生日禮物。

林愷鈴早前慶祝19歲生日,不過過程中發生蝦碌事。(梁碧玲攝)

Ashley兩年前參演的影壇處女作《熱血合唱團》預計今年5月上映,當時劇組要求Ashley等年輕演員素顏演出,她形容可以在大銀幕上看到自己最原本、最不經修飾的樣子。今次Ashley還有幸與劉德華合作,原來事前Ashley等人全不知情:「試鏡嘅時候完全唔知道劉德華先生做我哋監製同主演,我哋有個幾月時間訓練期,完咗之後佢行入嚟訓練班,嗰一刻我哋全班人係......即係我都唔知點形容個大家嘅心情,好多人突然間喊,喊得好緊要,始終劉德華先生係香港人由細到大嘅偶像,嗰一刻(心情)真係好難形容。」Ashley又稱本身抱着嘗試演戲的心態參演《熱血合唱團》,拍攝過程中她感受到演員的修養和團隊的合作精神,令Ashley愛上演戲。

林愷鈴指《熱血合唱團》年輕演員們事前不知道劉德華有份演出,所以劉德華補進演員訓練班時,有不少人激動落淚。(梁碧玲攝)

除了演戲之外,Ashley曾揚言希望推出唱片,現時她亦在香港大學修讀建築系,問到最想向哪個方面發展?Ashley就顯得相當苦惱:「其實呢樣嘢我日日都諗緊,我知我好貪心,但係我係嗰種好任性(嘅人),我係好想三樣嘢都可以達到,我就係不顧一切咁去追夢,就算最後係咪三樣嘢都做到,我都會搏盡無悔。」

林愷鈴希望未來可以演戲、唱歌和建築三線發展。(梁碧玲攝)

其他到場嘉賓:

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。