生日寂寞一人冇家人陪同慶祝 任達華：我選擇去拍戲
撰文：賴家杰
出版：更新：
任達華今天（26日）出席傑出領袖晚宴活動，講到「傑出領袖」的定義，華哥就覺得電影中的「傑出領袖」是一個好導演：「一部好電影一定要有好導演同製片，係佢哋領導下先拍到一部好嘅電影。」
任達華今天（26日）出席傑出領袖晚宴活動。（梁碧玲攝）
提到早幾天前是華哥的生日，但他就話自己有少少寂寞：「太太同囡囡又唔喺香港，個日返到屋企就有兩個蛋糕喺屋企，一個朱古力一個杏仁，咁話食完杏仁會白啲，咁朱古力就代表浪漫，我成日都搞爛gag，話食完朱古力蛋糕就唔洗化妝，皮膚仲黑啲添。」
早前網民大讚華哥是好男人，華哥聽完笑說自己不是十分好男人，他只是一個負責任的男人。（梁碧玲攝）
慶祝生日太太不在身邊也不重要，因為這是他的選擇：「其實我嗰日一定要拍戲，拍戲十幾個演員同百幾個人一齊，我選擇去拍戲，唔關佢哋事，不過返到屋企都好窩心嘅，有兩個蛋糕。」