游蕙禎轉做全職KOL？ 公開比堅尼相曬甜美笑容吸Fans
撰文：陳栢宇
出版：更新：
香港的確好多網絡紅人、KOL，但好少可有來自政界的KOL。最近，前立法會議員游蕙禎便全力進軍KOL界，不但接廣告幫手宣傳耳機，更密密貼相吸Fans，到了今日（29日）她更使出女性KOL終極武器──泳裝，令一班粉絲眼前一亮。
游蕙禎在Instagram裏面公開一張由男友操刀拍攝的泳衣照，寫道：「非常濕焗既天氣。好想落泳池浸全日。」她指自己從首單「泳池糞便案」發生後便沒有去過公眾泳池，足足有十多年的時間：「同埋太多人，踢下腳分分鐘都會踢親隔離（籬）個婆婆咁。」相中的她身穿白色比堅尼，橫躺在巨型黃鴨造型浮床上，笑得非常開心。有網友睇完靚相後便留下搞笑留言，指游蕙禎不搞政治轉搞「睇肉」，游蕙禎即妙回：「我只不過係影d（啲）每個人都有既野（嘅嘢）然後放上網，你自己都有，可以睇自己」，之後又補充：「我鍾意放邊類相就放邊類相，呢個係我IG，就係唔鍾意全裸。」非常有性格。
隔了大半日後，游蕙禎見比堅尼相反應甚佳，網友紛紛畀Like，便再貼多張相感謝大家支持：「非常感謝大家厚愛，是次效果非常滿意。」
游蕙禎在網上以泳裝大曬27歲青春魅力。（Instagram）
點擊下圖游蕙禎其他靚相：
+15
即刻投票，揀選你心水男、女主角，仲有你最撐嘅香港電影，即有機會獲得戲飛。《香港電影我撐場．民選大獎2019》投票專頁：https://voteforhkmovies.hk01.com/