回顧入行至今仍被指「偽毒」 吳業坤:總有人睇我唔順眼!

撰文:
最後更新日期:

藝人吳業坤(坤哥)將於下月舉行第二次紅館騷《吳業坤小句號演唱會》,昨日(30/3)接受電台節目訪問時,談到由2010年憑《超級巨聲2》入行,出道至今因多單的緋聞及被指「偽毒」而惹來不少劣評,對此坤哥坦言已經學懂如何面對負評。

一直被指是「偽毒」,面對種種負評,吳業坤表示網絡經常出現很多不平衡的聲音,無論怎樣做總會有人看自己不順眼:「其實呢個世代係變態,總有人唔喜歡『四眼仔』。呢個係『憎人富貴厭人窮』,係事實。當你係Nothing嘅時候,人哋唔會得閒踩你,但當你係Something,其他人就會唔抵得,捉住一啲事去講。呢樣嘢好奇怪,但其實以前我做網民嘅時候都有咁嘅思想。」坤哥表示不明白為何總要去罵一個跟自己沒有關係的人,不欣賞的話,都不用踩一腳,由此體會到當沒辦法互相溝通的時候,倒不如不理這些網民:「要學習嘗試放下遺憾。」

面對種種負評,坤哥坦言已經學懂如何面對,因為入行前都曾經是這些網民。(資料圖片)

另外,對於過去一年主攻拍劇,而減少製作音樂,坤哥坦言感慚愧:「坐喺叱咤頒獎台下係有少少失落嘅,當我聽到其他歌手嘅故事,知道佢哋經歷過嘅事,我都有啲慚愧。自己確實(在音樂上)放少咗心機同時間,不過熱情同熱血都仲喺度。好似上年年頭去咗法國造《凱旋門》,又拍咗《精裝追女仔》同《神不守舍》嘅MV,好多唔同嘅合作我都有做,只不過冇好高調話畀人知我依家做緊咩。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。