林峯女友張馨月拍戲超專業 床戰露股意識好大膽
撰文：鄺鈺瑩
出版：更新：
張馨月曾在電影《借臉》中打扮性感。(影片截圖)
林峯女友張馨月曾經喺內地做過模特兒，又得過2010年全國時尚內衣模特大賽亞軍，身材高挑嘅佢影過唔少火辣性感照片。之不過，原來照片都係小兒科，因為近日有網友翻出張馨月3年前所拍攝嘅電影《借臉》，戲中張馨月飾演樣靚身材正嘅大明星，對剛入行、樣貌平平無奇嘅師妹特別照顧，原來一切都係為咗得到對方！
同完男人床戰。
戲中，張馨月為咗激起師妹嘅妒忌心，特地色惑師妹嘅心儀對象上床（而呢一幕當然係要讓師妹見到啦），之後又同師妹講男人都係靠唔住，「你知道我是愛你的，只要你願意，所有失去的一切都會回來」，就係師妹想逃走一瞬間，張馨月將對方落倒床上，並用黑絲綁起雙手……鏡頭一轉，床上活動已完畢，而師妹為了報復，決心整容，但唔明點解要喺手術前，同張馨月全裸泡浴。全戲劇情真係狗血到不得了，但勝在有大量嘅張馨月噴血打扮，唔係DeepV睡裙，就係連衫都唔著，最激一幕，連petpet都任睇唔嬲，題材同意識相當大膽，唔知林峯有無睇過呢套《借臉》呢？！
再同女人床戰。
連pet都露埋。
+4