童星Jacky仔重返TVB拍劇 與哥哥齊積極向演藝圈發展

撰文:
最後更新日期:

TVB劇集中經常出現不少好戲的童星,好像最近在《鐵探》中飾演袁偉豪囡囡的「晴晴」潘姿善,十分搶鏡。其實過往TVB都有很多精靈可愛的小童星,當中有一對兄弟大家一定印象深刻,就是王秉熹(Jeffrey)和王樹熹(Jacky仔)兩兄弟。雖然大家對他們的印象可能還停留在他們小時候,但其實Jeffrey已經24歲,Jacky仔也20歲了。

唔經唔覺兩兄弟已經大個仔!(IG圖片)

早前Jacky仔在微博Post了幾張照片,原來他有份演出由田蕊妮、曹永廉主演的新劇《她她她的少女時代》,他在接受《香港01》訪問時透露自己是飾演童年的曹永廉:「因為今次嘅監製之前都有拍過,跟住佢搵我試鏡後覺得ok,之後就去造型同拍,拍咗一個半月左右。(同邊個對手戲多?)因為做童年都係同返童年嘅角色拍,亦有一兩場係同田蕊妮同場嘅。(再返TVB拍劇有咩感覺?)幾開心呀,嚟緊有時間機會嘅話都會拍劇嘅。」

Jacky仔早前重返TVB拍攝劇集《她她她的少女時代》,飾演童年的曹永廉。(微博圖片)

2003年當年只有4歲的Jacky仔參加了由港台舉辦的節目《點蟲蟲 開開心心學飛》而入行,適逢當年沙士襲港,他與黃秋生合作拍攝《1: 99抗炎短片—我的飛行家族》開始為人熟悉,之後更進了TVB做童星,展開拍劇生涯:「嗰陣我讀上午校,中午食完飯晏晝就去拍,其實都係當去玩咁,拍劇就係我嘅課外活動,同埋導演、同劇嘅演員都會教我,所以都幾開心。」小時候的Jacky仔面圓圓又眼仔碌碌,的確是人見人愛,轉眼間已經20歲,高高瘦瘦:「今次返去都有見到以前合作過嘅工作人員,好多都話唔認得我,可能冇諗過我已經咁大個。」

Jacky仔同歐陽震華在《爸爸閉翳》中飾演兩父子,兩人幾乎日日見感情都好好。(網上圖片)

+13
+12
+11

現時在香港城市大學讀媒體與傳播系的Jacky仔,將會在明年畢業,輔修日文的他,去年更到日本神奈川大學短期交流。雖然要兼顧工作和學業,但他仍然保持好成績,GPA有3.7。除了拍劇之外,Jacky仔也有從事配音工作,不過他最感興趣的還是幕前演出:「其實一直都有配開音,兩樣我都鍾意。大學讀呢科都係因為鍾意呢行,畢業之後希望可以拍返多啲劇啦。(想拍咩類型嘅角色?)都想試下搞笑嘅,其實做童星對我嚟講係一個幾有趣嘅經驗同回憶。」

Jacky仔都有從事配音工作,還曾有機會跟丁羽叔學習。(IG圖片)

哥哥Jeffrey最令人印象深刻的相信還是《十兄弟》中的大喊十。(網上圖片)

而Jacky仔的哥哥Jeffrey,曾參演《皆大歡喜》、《隔世追兇》、《歲月風雲》等,當中就以《十兄弟》中的「大喊十」最深入民心。中學就讀喇沙書院的他,去年畢業於浸會大學電影系。他執導的畢業作品《成長中》更獲得「全球大學電影獎」的「浸大電影特別推薦獎」,絕對有望成為演藝圈的幕後新星。Jacky仔也透露哥哥最近積極寫劇本,參加不同的比賽,籌措資金。但提到兩兄弟未來的發展,他就表示:「冇特別諗過,但如果有機會都希望兩兄弟拍住上嘅。」

Jeffrey執導的畢業作品《成長中》獲得「全球大學電影獎」的「浸大電影特別推薦獎」。(網上圖片)

Jacky仔同哥哥一向兄弟感情深厚,去年Jeffrey畢業,他當然都有到場見證。(IG圖片)

+23
+22
+21


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。