「自拍王」只顧影相忽略男友 倪晨曦：我認我有呢個病徵！
撰文：吳子生
出版：更新：
倪晨曦（Elva）今日（12/4）出席在銅鑼灣舉行著名手機品牌新店開幕儀式。女神Elva對手機都有特別要求，最梗要儲存容量要夠大，並透露手機儲存量超過5萬多張照片，「其實大家睇到我post出嚟嘅相只得一至兩張相，但我係影成幾百張相，揀最合心水嘅靚相畀大家睇，每次我都會用半個鐘時間執相，最多用3個唔同嘅app去處理啲照片。」
倪晨曦今日出席著名手機新店開幕。（陳順禎攝。）
智能手機普及之後，相機食先已經是時代潮流，一幅好圖勝萬言，原來Elva都有這個毛病，還自認因為這點忽略了男友感受：「我承認我有呢個病徵，可能工作關係，咁所以我一定係影相行先，咁所以另一半都冇辦法，又或者佢已經接受咗呢樣嘢，佢都知我如果影到啲靚相我會好開心，反而我影唔到佢會好大壓力，佢知我會好唔開心，咁佢會盡最大努力幫我影到靚相為止，因為如果影得唔好我會黑面，不過我都好寬容嘅，我會話仲有得執嘅空間。」
Elva透露因工作忙碌婚禮籌備中，預計今年年尾或下年頭舉行。（陳順禎攝）
瀏覽倪晨曦Instagram，發現她有很多影相時會擺出很多不同姿勢，由拋樹葉到一字馬，包羅萬有：
+5