【黃心穎許志安】驚聞安心的士激情親熱 黃美棋：聽到好震驚
撰文：吳子生
出版：更新：
國際知名香水品牌今日（16/4）在尖沙咀舉行活動，大會誠邀譚凱琪、劉穎鏇、黃美棋（Meiki）及丁子朗等人到場支持，Meiki男友鍾健威更同場擔任活動司儀，介紹全新推出著名香水，帶領在場每一位賓客，一同探索海洋之下美人魚的神秘世界。
Meiki一改以往密實打扮，「破格」身穿騷胸吊帶長裙，成為現場焦點：「其實係昨晚先收到條裙嘅，我都未見過真身，頭先我試完之後畀佢睇到，佢個樣有啲面青青，哈哈！」在旁男友鍾健威笑言：「我嚟度先知佢條裙咁性感，其實條裙都冇乜嘢嘅，都幾靚，不過可以黐啲膠紙喺中間。」
鍾健威表示要出外飲酒應酬時，Meiki都會陪伴左右。（陳順禎攝）
此外，對於今日報導有指許志安與黃心穎在車廂親熱消息，Meiki表示：「當我睇到呢段新聞同大家一樣表現震驚，咁其實當時係點樣情況，咁真係要當事人自己出嚟講解釋返件事先知道，我哋好難去評論，希望大家畀多啲空間佢哋。」
Meiki笑言今次性感出席活動，男友見到嚇到面青。（陳順禎攝）
+4