男神一定要夠高? 日本偶像知念侑李話你知159CM都做到!

撰文:
最後更新日期:

喺大眾口中所謂嘅男神,除咗係要靚仔之外,身高都係其中一個好重要嘅標準,換句話說,身材矮小嘅男生如果要做「男神」,似乎有啲望塵莫及。而最慘嘅係,樣唔靚可以去整、身材唔夠Fit可以去操,但唔夠高真係無辦法,唯有接受現實。不過日本有位男偶像,年僅25歲嘅知念侑李就打破咗唔夠高做唔到男神呢個傳統,身高159CM嘅佢,被公認係日本男神。

當知念侑李同啲隊友拍埋一齊,真係可以話係「一目了然」。(Instagram)

知念侑李有永遠的童顏

雖然知念侑李而家只得25歲,但其實佢入行已經超過15年。2003年,年僅9歲嘅知念侑李就憑住「可愛」二字被日本知名嘅尊尼事務所睇中加成日本藝能界,當時佢仲係小學4年級。2007年更加加入咗期間限定組合「Hey!Say!7」,之後再以「Hey!Say!JUMP」成員嘅身份正式出道,多次於紅白歌唱大賽亮相,但他的身高,卻停了喺14歲的階段。而知念侑李除了發展音樂事業之外,亦不時有參演日劇,例如有校園愛情劇《Sprout》、《歡迎來到陰陽屋》以及《地獄老師》等,而最新一季日劇(春季)的《即使生氣也不要和笨蛋交手!(頭に来てもアホとは戦うな!)》中他更是擔任主演。

+9
+9
+9

最新一季日劇(春季)的《即使生氣也不要和笨蛋交手!(頭に来てもアホとは戦うな!)》的海報。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。