《法證先鋒IV》受黃心穎影響被抽起? 譚俊彥:我問過洗唔洗重拍

撰文:賴家杰
出版:更新:

譚俊彥(Shaun)昨天(28日)出席《第七屆全港運動會》活動,Shaun今天更以歌手身份獻唱《紅日》,平常也是看見Shaun的工作主要是拍劇,搖身一變做歌手,他笑言連自己也猜不到:「我成日問點解會搵我唱歌呢?因為冇乜人會覺得我唱歌㗎嘛,原來佢哋睇咗《流行經典50年》,今次仲要第一次紅館四面台,我咪叫埋囡囡嚟睇,我屋企練歌時候佢仲好開心做我觀眾,我冇諗咁多,唱好佢就得。」

Shaun指踏上紅館唱歌是他夢想之一。(梁碧玲攝)

不說不知十多年前Shaun曾錄音做歌手更出過專輯,他自嘲地說明顯當年是不成功:「其實依家再有機會咪試下,都會唱返少少歌,不過拍戲同唱歌唔同,唱歌要跑返步練氣,叫做有個目標。」

Shaun笑言囡囡聽他唱歌會很開心,是他的忠實粉絲。(梁碧玲攝)

近期「安心」事件中除了當事人令事業受影響之外,黃心穎主演的劇集也被抽起,TVB重頭劇之一《法證先鋒IV》心穎亦是主演之一,Shaun是主演之一,但他表示不太擔心:「如果我擔心我擔心咗《包青天》先,不過對我嚟講完成咗就唔諗咁多,因為後面我仲有其他劇,做演員諗唔到咁多,至於會唔會抽起公司決定,我都問過洗唔洗重拍,因為我要剪頭髮,但佢哋話唔洗,咁睇公司安排。」

Shaun直言拍《法證先鋒IV》的薪金已出了:「做完就一定會出糧。」(梁碧玲攝)
+2