【東張西望】主持阮嘉敏狙擊廣場大叔大媽 尖銳追問獲讚勇氣可嘉

撰文:
最後更新日期:

自從旺角行人專用區被封殺之後,大媽們攻佔香港其他公眾地方,繼續忘我表演。但這些大媽表演者沒有表演牌照,但接受觀眾打賞,加上嘈音滋擾行人和街坊,涉嫌觸犯法例。TVB資訊節目《東張西望》主持阮嘉敏(Mandy)追訪大媽大叔表演者,連串尖銳問題令受訪者難以招架,獲網民大讚表現出色。

Mandy 問到大叔口啞啞,毫無招架之力。(影片截圖)

「外表柔弱但對住啲無賴一啲都唔怯」有網民評價Mandy不畏大叔大媽,步步進迫,令對方毫無招架之力,由原本否認收錢表演到自打嘴巴承認收取酬勞。Mandy 一開波就質問一位內地大叔「你哋除咗表演之外,仲有收錢喎」,大叔馬上大耍太極:「你哋邊個見到我哋有收錢呀?我哋唔收錢,我哋老人家玩吓!(從來無收過錢?)係呀,但如果有人畀錢都好正常,(你剛聲稱自己無收錢,但人哋畀錢你,你就有收?)人哋畀我就收㗎喇。」

+4
+3
+2

Mandy隨後再追問:「你算不算是濫用公眾地方來賺錢?」大叔否認濫用公眾地方賺錢,認為地方是香港政府給香港巿民用來娛樂唱歌,Mandy直指他收錢就不算是玩,大叔不耐煩地說:「係人哋自願畀的,我哋無問人哋拎錢。」Mandy最後一句K.O.對方:「點解你唔選擇唔收呢?」令大叔啞口無言。

+4
+3
+2

Mandy隨後再戰另一位本地大媽,大媽聲稱自己有申請牌照,但申請了5個月都抽不到籤,Mandy直指對方即是沒有牌照,大媽辯稱只是來玩一下,更一度推開Mandy,不過Mandy 沒有放棄追訪,依然步步進迫,表現可嘉。看來Mandy真係主持界嘅可造之材呀!

大媽一度想推開Mandy。(影片截圖)

Mandy的表現獲網民大讚。(IG圖片)

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。