【武博】歐錦棠難忘《精武門》與甄子丹真揪:佢叫我唔好留力!

撰文:
最後更新日期:

歐錦棠今日(3日)出席武博活動,憶起自己9歲的時候看完《唐山大兄》就買了個沙包回家,跟着哥哥亂打,這是他第一次接觸武術。歐錦棠說:「真正去跟人學就係小學六年班,真正學前一直都係亂咁嚟,冇人教就自己喺坊間買武術叢書返去練,嗰時係傻傻哋練鐵砂掌,功夫用品就買鉛嘅腳套,日日帶住返學亂跑亂踢。屋企嗰陣思想比較守舊就唔畀我去學,然後見到我都撳唔住,怕咗我先畀我去學。」

歐錦棠憶起幼時是哥哥教他武術,後來卻只有他堅持下來。(陳志嵐攝)

歐錦棠自90年代入行起就是有名的習武影星:「好感恩喺我入行嘅時候,香港嘅電視電影仲有好多動作需求,好多導演、監製見到我嘅身手都覺得我幫到手,所以比一般人多咗好多機會。」剛入行要學習的事還有很多:「入行冇幾耐發現自己用搏擊武術唔識留力,好容易傷到自己,因為夾硬要控制自己嘅拳腳、速度,然後有啲覺悟,就特別去學咗拍戲用嘅武術,例如中國新興嘅長拳,雖然動作大啲、花巧啲,但對拍戲嘅美感係好有用。」

歐錦棠在習武後自信增強了不少,還增強了應付困境的能力。(陳志嵐攝)

歐錦棠稱拍攝亞視劇集《英雄之廣東十虎》(1999)十分難忘:「一套掛正頭牌,用一啲好經典、真實存在過嘅人物嚟做故事,每一集幾乎都有大大小小嘅武打場面,雖然係有電視嘅誇大成份,但係基於傳統嘅武術動作;而且裏面基本上90%嘅演員都係識功夫,所以拍起上嚟特別有味道。」但說到拍得最過癮的合作對象,歐錦棠說:「一定係亞視套《精武門》(1995),同甄子丹狂揪嗰一場!因為係真揪!大家都唔留力、冇戴護具!因為我係泰拳手,着冇袖衫、短褲,他就着件笠衫,然後就打,嚟真嘅!佢同我講唔好留力,丹爺叫到唔留咪唔留!」

歐錦棠稱近日有以武打題材的舞台劇將會上演,且今年年中會拍武打電視劇。(陳志嵐攝)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。