楊千嬅爆被兒子Torres傷透了心：佢唔知我幾時開澳門演唱會
撰文：賴家杰
出版：更新：
楊千嬅今天（5日）早上以開幕嘉賓身份出席慈善步行活動，千嬅認為活動主題「珍惜食水」甚有意義，所以今天也帶了兒子Torres來教他珍惜水源：「呢個活動係一個體會嚟，佢都開始大個，要畀佢懂事同感受一下畀少少意見。」
今天天氣不是太好，千嬅坦言帶兒子出席活動也有點擔心，好在沒有下大雨。（梁碧玲攝）
提到步行活動都頗為消耗體力，千嬅便指自己不擔心兒子的體能，全因為兒子從小已經接受訓練：「佢細細個時候我哋兩公婆已經帶佢行山，不過當然未行晒一個山已經喊要返屋企，但當時比較細，3歲，我好記得佢爸爸一枝箭衝落山，而我就好辛苦孭佢落山。」
千嬅指Torres現在正努力學跳舞。（梁碧玲攝）
千嬅又透露現在兒子現在熱愛跳舞，更安排他到星級排舞師Sunny Wong的排舞室學跳舞：「佢而家成日睇韓國嘅天團跳舞，但佢又唔願意公開跳畀人睇，佢好勁㗎，佢而家最愛BLACKPINK。」千嬅笑說現在是靠兒子來吸收韓團資訊，講講下更爆出一單「傷心事」：「下個月GOT7去澳門開演唱會佢知，但佢阿媽我幾時澳門演唱會佢唔知，佢仲叫我帶佢去，佢問邊個做呢件事，好勁呀。」