【周遊關西】周奕瑋教賞櫻「600度法則」 額外加推必食究極TKG!

撰文:黃欣華
出版:更新:

「最強日本通」周奕瑋(Jarvis)主持的新一輯旅遊節目《周遊關西》帶隊暢遊熱門大阪、京都!首集為大家介紹的「幻之黃金蟹」同蠔牛壽喜燒,令不少觀眾都想即刻預定機票飛去日本嘆返餐!而最一新集,Jarvis跟當地大阪人去賞櫻,讓觀眾為下年賞櫻做好準備!

Jarvis出馬,當然不是教大家一般的賞櫻方法!原來除了在櫻花樹下野餐之外,一邊賞櫻一邊BBQ才是最潮的玩法,Jarvis稱:「平時日本人賞櫻咪要去擺位,又要自己準備野食都幾辛苦。其實有一個BBQ嘅地方,只要你提早預約,就可以兩手fing-fing有靚位賞櫻,除咗唔洗自己起爐,又準備晒野食之外,你鍾意仲可以帶埋野食去燒都得添!」

大阪城賞櫻竟然可以BBQ!(受訪者提供)
Jarvis仲教你認住「標本木」!(受訪者提供)

而Jarvis接受《香港01》訪問時就自爆今次製作團隊老貓燒鬚,信錯花期預測,幸得日本當地人幫忙才順利拍攝:「我哋之前已經check好晒幾時係櫻花滿開日,但今年氣候真係差好遠,同我哋預計嘅日子差咗足足個幾禮拜,但我哋啲嘢全部約好晒,好崩潰,好彩大阪人都好好,肯同我哋改期。但即使改咗期,都係開咗3分1左右,不過都好過冇!所以,我哋節目最後未能有全盛期的畫面帶畀大家,全盛期的畫面就留返畀大家自己去欣賞。」雖然這次Jarvis賞櫻未算太成功,但他這次旅程亦了解到原來當地人盛傳一條「600度法則」計算日本櫻花盛開,他稱:「呢個法則都幾得意,雖然冇咩科學根據,但電視天氣報告都會講,所謂「600度法則」係指由2月1日開始,將每日的最高氣溫加起來,累積達到600度的一天就是櫻花的開花日!」

點撃下圖睇更多賞櫻景點!

另外,Jarvis亦在節目中介紹蛋包飯和雞料理的專門店,但他就稱在雞料理的專門店中有一種美食雖然在節目中沒有提及,但他私心推薦大家一定要試:「其實雞卵飯都係大家一定唔可以錯過,雖然上一輯都有介紹大家食TKG,但呢個唔係一般嘅雞蛋,而係喺雞入面隻蛋未成形,冇殼的雞蛋,好多大阪都覺得呢個係超級勁嘅TKG,個味都好正,呢個都算係一個隱藏版,大家可以去試吓。」

雞刺身,你敢唔敢食?(受訪者提供)

點撃下圖睇隱藏版TKG!

+2