李司棋玩IG自創新方法用「童顏濾鏡」 網民︰ 好可愛啊

撰文:
最後更新日期:

李司棋雖然已經68歲,但係一點都不out,還非常緊貼潮流,除了潮玩IG狂吸近2萬5個粉絲,日前更在IG貼出潮跟一眾網民用一手機App玩童顏濾鏡,不過當大家還在只是用App拍照時,司棋姐已經自創新的方法用這個濾鏡,一齊來跟她學下嘢吧!

司棋姐戲稱自己「我變成中佬都幾ok」,勁玩得!(Instagram:@leeszekee)

司棋姐上載了3段用「濾鏡App」拍出來的片段,第一段用了「童顏」effect,司棋姐跟平時一樣戴住她的signature眼鏡,加了effect後的她眼仔碌碌,但她沒望鏡頭,爆出金句︰「我一定要做到最好!但係我休閒嘅時候呢,我鍾意著靚衫,我鍾意影啲靚……」未講完,片段就完了,未知是否指鍾意影靚相呢?因為見司棋姐平時在IG都常常post美照,襯一套靚衫,再加上不同甫士,同埋勁有創意的Caption,喪吸網民的like。

司棋姐早前都上載了幾張生活照,仲話食蟹黃蟹膏撈麵,超級滿足。(Instagram:@leeszekee)

另外一段片,更加是創意滿分,只見司棋姐化身「BB棋」,拿著一瓶應該是酒的玻璃樽自拍,對著鏡頭用BB聲說道︰「BB係唔可以飲酒㗎!」非常搞笑,然後鏡頭移開,一轉,又再影回司棋姐時,她已化身「中佬棋」,用了女變鬍鬚男的effect,再壓低聲線加一句︰「依家咁就得喇!」另一條片,司棋姐又表演如何在3秒間由「BB棋」變「中佬棋」,仲要留言話「我變成中佬都幾ok」,真係勁有創意又勁可愛,完美示範給網民看什麼叫玩社交平台玩得出神入化。網民都勁buy「BB棋」,大讚「好可愛啊」﹑「好識玩啊」等等,司棋姐真的一點也不輸蝕給一班年青人,叫大家輸得心服口服啊!

一齊看看司棋姐點樣潮玩手機App︰

其實司棋姐平時都好鍾意用社交平台同大家更新自己的近況,同share自己的穿搭,仲好識擺甫士。司棋姐的IG開了近2年,已吸引了不少粉絲追蹤和留言,而另一前輩級的藝人汪明荃(阿姐)都於去年自創新的相片tag人方法,用手寫tag人,當時都帶起一股熱潮,所以話玩社交平台真的不是年輕人的專利!

其實呢個先係真正嘅「BB棋」,因為司棋姐之前post過自己小時候的照片,細個都已經係眼大大呢!不過就跟用濾鏡的「BB棋」唔多似喇。(Instagram:@leeszekee)

點擊睇吓更多司棋姐平時的靚相︰



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。