小鮮肉楊天宇新戲「暗戀」李佳芯 同女神合照紅都面晒
撰文：冼燕珊
出版：更新：
李佳芯（Ali）日前與小鮮肉楊天宇（Angus）一齊拍攝廣告，廣告以微電影手法拍攝，分上下兩集，微電影名為《可能一直都在》。
楊天宇在微電影中，追求女上司Ali。
Angus於微電影中飾演職場新人，第一日返工就對上司Ali一見鍾情，並積極展開追求攻勢，之後佢為咗幫Ali補鑊仲被炒魷魚。微電影入面，Angus對住上司Ali相當主動，不過鏡頭後，對住女神Ali嘅Angus原來係怕醜仔一名。難得有機會親近女神，Angus當然把握機會集郵，不過影咗無數咁多張合照之後都係唔滿意，猛話：「唔得呀。」Ali睇完相後講笑咁話：「原來係你影極都唔靚。」搞到怕醜嘅Angus唔單只紅都面晒！
楊天宇真係紅都面晒！反而博得女神一笑。
Angus話Ali絕對係佢心目中嘅女神，「第一次同Ali合作，整個拍攝過程都好開心、順利，佢當然亦係所有男性心目中嘅女神啦。至於耳仔紅，係因為被佢篤爆咗我影極都唔靚，哈哈。」見到變咗成個紅蕃茄嘅Angus，Ali除咗喪笑，仲即刻指住佢隻耳仔影相，而呢張相反而成為佢哋兩個最滿意嘅合照。
+1