【唐人街】姚子羚對愛情不失望:無論咩類型嘅愛我都會繼續去相信

撰文:
最後更新日期:

姚子羚(Elaine)周三(29日)與電視劇《唐人街》一眾演員及工作人員一起飯聚,現場氣氛非常熱鬧。Elaine亦分享了在劇集中有不少打戲、吊威也戲、與陳山聰上山下海,甚是辛苦,以致越打越瘦,劇集拍攝了近半年時間,戲服都已經不再合穿。Elaine又控訴:「成套劇傷得我最重就係陳展鵬踩我!呢套劇完咗佢一定差我餐飯,佢亦都應承咗,嗰日我哋唔係拍打戲,但佢跳入鏡就踩咗落我隻腳,之後即刻腫咗,仲瘀咗好一段時間!」以致陳展鵬帶著歉意每天都問候Elaine;她又續言其實這個劇組十分有愛。

姚子羚日前在個人社交媒體寫下一段心聲,分享了自己的心情。(姚子羚IG)

繼陷入四角關係的傳聞後,姚子羚這邊廂才澄清自己與Raymond之前已經分手,雙方已回復普通朋友關係。一波未平一波又起,另一邊廂Elaine又陷入桃色風波,被指是以她為主角的性愛短片在網上流傳,雖然已作否認,但難免還是會成為被討論的對象,實是多事之秋。姚子羚回應心情已平復不少:「我發咗一篇文章,其實都係子羚內心嘅感受,都希望多謝一直以嚟支持我嘅人。我覺得相信姚子羚嘅人,就算我唔去逐一解釋佢哋都會相信我,好多謝佢哋。」Elaine又再次強調藝人也只是普通人,問到是否不想大眾太關心她的感情事,她說:「我知道大家好關心子羚,無論係工作定係感情生活,就算我將來拍拖都好,都接受大家關心,知道大家係錫我。不過希望將來多返少少正面嘅新聞、希望可以多啲正能量,我諗呢個係我最想睇到。」

姚子羚消瘦了不少,她就說是因為拍劇辛苦的緣故。(陳志嵐攝)

經歷完近來的眾多風波,當問到Elaine會否改變對愛情的看法,她說:「我始終相信一點,妳對人好,人哋都一定會對返你好。我覺得愛好緊要,無論對邊個,愛都係最重要嘅一點,我會做返我自己,無論咩類型嘅愛我都會繼續去相信。」問到接下來期許怎樣的愛情,Elaine就說:「冇諗喇,其實我不嬲都冇諗過要咩形式嘅愛情,唔會關乎於身份、背景、外間所講嘅富有或貧窮都好都唔關乎嘅,主要都係感覺同一個緣份嚟嘅,同條件上冇直接嘅關係。」

姚子羚接下來會與陳山聰合作一部關於跑步的新劇,很具正能量。(陳志嵐攝)

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。