洪永城聞黃翠如備孕讚好 提早改乳名:叫脆腩肉!

撰文:黃欣華
出版:更新:

正蜜運中的洪永城(Tony)早前就去到西藏為《如果這樣生活》拍攝,他周五(31日)與陳煒、袁文傑、楊明、張頴康和余德丞等一同出席記招,分享此行的感受!

在西藏,Tony探訪一個有共同信念的旅者,他開了一間小旅館,接待來自四方八面的背包客,譲他們用遊歷故事換住宿,分文不收。他稱:「只要你分享故事就可以換免費嘅住宿,我講嘅故仔就梗係好聽啦,佢畀我住兩晚仲送埋晚餐畀我添呀,因為我講慈善機構嘅故事,佢聽完覺得我好有理想,仲送埋宵夜俾我。」

洪永城希望旅遊變成一件更有意義的事!(陳順禎攝)

對於缺席好友黃翠如和蕭正楠早前到峇里島補辦的婚禮,Tony就稱:「佢有邀請我嘅,但我就有啲嘢做去唔到,佢返嚟有同我分享話好開心,我都好戥佢哋幸福!(會唔會心思思想結婚?)都差唔多啦,哈哈。而家暫時工作為主,但我朝住嗰個方向。(話翠如為生B推咗兩部劇?)好喎,快啲生個小翠如…翠腩肉?就叫脆腩肉啦!」

每次旅行都有不同的感受!(陳順禎攝)
你可能感興趣