【如果這樣生活】洪永城嚴冬再踏拉薩 旅遊達人嘆難頂:開始老了

撰文:黃欣華
出版:更新:

主持旅遊節目出身的「旅遊達人」洪永城最近又有新搞作,他早前在IG透露自己為TVB全新節目《如果這樣生活 (暫名)》再次走訪西藏拉薩拍攝旅遊節目,近距離體驗當地藏族生活!

節目《如果這樣生活 (暫名)》將會找來10名藝人,走訪世界不同國度,探索生活的可能性,與觀眾一同追尋真正理想的生活方式與態度。 曾製作《4個小生去旅行》的監製蘇敏儀接受《香港01》訪問時,更率先透露藝人陣容:「今次會有洪永城、李佳芯、張頴康、朱千雪、黎諾懿、袁文傑和余德丞等10個藝人,佢哋除咗會向觀眾分享個人經歷之外,亦都會帶大家去睇唔同地方當地人嘅生活方式和態度,當然嗰地方亦都會同佢哋自身有關聯嘅,希望節目亦都能夠帶一啲正能量界大家。」

除了《4個小生去旅行》外,《緬甸奇幻旅程》亦是由監製蘇敏儀(右一)操刀。(資料圖片)
今次藝人陣容好強大!(IG圖片)

點撃下圖,睇其他藝人出發靚相!

+1

洪永城為節目相隔兩年再次踏足西藏拉薩,除了有不一樣的感受外,他透露旅程依然辛苦:「點解我要再去西藏,因為呢個地方真係好有靈氣,細細個睇《西藏小子》已經好鍾意,而且我都有朋友喺度,今次都有爭取時間見面。(今次旅程辛苦嗎?)辛苦呀,因為今次去西藏拉薩係冬天,好乾同好大風,亦都有高反(高原反應)。因為冬天嘅關係,周圍環境嘅氧氣係更加少,連啲植物都枯萎,因為氧氣好稀薄,所以好多嘢都要慢動作,好多同事都嘔吐、頭暈同發冷,好唔舒服咁去做呢個節目。(見李佳芯都係去西藏喎,係咪會合作?)Ali係另一集,只係會crossover兩日。」

嚴冬下的西藏應該真係好難頂!(IG圖片)
吸下氧氣,再行更行更長的旅程!(IG圖片)
+3

洪永城又透露今次會去當地一個叫「拉薩故事商店民宿」的地方:「呢個係一個北京人開嘅民宿,只要你講故事講得好就會免費畀一晚住宿你,呢個就係我哋想睇唔同生活方式嘅主題。」據知,民宿老闆辭去某集團高薪的工作,在環球旅行了20個國家和聽過了上千位朋友的故事後,決定在西藏開設「拉薩故事商店民宿」,實現夢想,不知道洪永城又說了什麼打動人心的故事呢?

靠把口就可以換住宿,相當特別!(網上圖片)

點撃下圖睇民宿環境!

講到旅程中最難忘的事,洪永城就稱:「應該係羊湖,嗰陣太陽落山又大風,情況好惡劣,但攝影師就好專業,唔知點解幾件衫就搞得掂,啲攝影師真係好捱得,我真係覺得自己弱同埋老喇。」佢又透露由於拍攝時間只有5天,所以比較chur:「因為時間緊逼,所有嘢都要快,最可惜係呢個應該要慢嘅地方要快,所以拍攝都有困難。」

快啲播喇!(受訪者提供)