【法證先鋒IV】李施嬅回巢補拍完成 「第二次講再見比第一次難」

撰文:
最後更新日期:

李施嬅(Selena)4月正式宣布離開效力15年的TVB,轉簽美國一間演藝公司,成為「Marvel隊長」Brie Larson同門師妹。即使已離巢,但眼見有份主演的《法證先鋒IV》因為「安心事件」而重拍,Selena亦不計酬勞再次回到娘家補拍,更講到:「呢刻唔可以自私只諗自己!」相當有義氣!不知不覺,Selena補拍的戲份昨晚(28日)終於完成,她亦在IG有感而發!

Selena在IG寫道:「#法證先鋒4 Dr Man 殺青了。感謝大家的堅持同努力。第二次講再見,比第一次難。為什麼呢?」她更拍短片帶大家參觀TVB,更多次講到see ya TVB,令不少網民看完後都留言想哭。

6月中回娘家補拍!(IG圖片/@selenaleelalee)

受黃心穎連累!(資料圖片)

Selena接受《香港01》訪問就透露自己的確比較感性:「之前我哋都拍咗差唔多半年,之後又拍咗差唔多一個月,所以同啲工作人員同同事都做晒朋友,相處咗咁耐都會有啲感情。好似好耐冇見,又見返都好開心,但咁快又要講bye bye,係有啲唔捨得。每次拍劇都會唔捨得,特別係呢次拍得仲耐啲添,但都ok嘅,開心嘅,遲啲出街或者聚會都會再見,只不過我自己感性少少啫。」

更多33度高溫下拍攝冬天戲份!(IG圖片/@selenaleelalee)

點撃下圖睇更多劇照!

問到落足心機拍《法證先鋒IV》,有沒有打算回來爭視后,她就笑言:「其實呢幾年都冇諗過呢樣嘢,完全都唔係我會去focus嘅一樣嘢,其實都係focus自己,希望大家鍾意我嘅演出。我覺得而家太多嘢發生喺我個life嘅入面,所以我都唔會花咁多腦汁去諗啲我控制唔到嘅嘢。而家TVB入面都有黃智雯同姚子羚咁樣,希望睇到佢哋攞視后啦!獎項嘅嘢,都係唔諗反而會嚟,所以唔會諗太多!」Selena又透露稍後的工作會周圍飛,亦將會有好消息告訴大家。

+12
+11
+10


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。