【降魔的2】胡鴻鈞準備好復工 休息時最愛打牌:睇下會唔會遲鈍咗

撰文:葉詩
出版:更新:

胡鴻鈞(Hubert)周五(5日)出席商場展覽,這是他在拍攝《降魔的2》受傷後第一次出席公開活動,Hubert就說他的健康狀況良好,讓大家不用擔心:「而家身體狀況已經好返好多喇,多謝大家關心。我感覺到自己嘅康復進度良好,起碼頭暈、唔舒服嘅情況已經愈來愈少,然後前幾日都照多次磁力共振,雖然未有結果,但我有信心個結果會係好嘅;如果個結果係完全康復就可以全面復工。」

Hubert說休養期間要注意的不外乎是多休息、不吃刺激性食物、少做劇烈運動。(劉智源攝)

Hubert又說到太多時間在家休息,反而覺得有點悶:「基本上呢段時間我都係個懶人,去到後來真係覺得好悶,好彩啲朋友會搵我食飯、打牌、陪下我,我又有煲劇、寫下歌,好似不知不覺就過咗兩個月,都Ready可以做返嘢。」當記者問到打麻將是否為了多活動大腦,Hubert就笑說:「我同朋友其中一個經常做嘅消遣就係打牌,第二我都想睇下自己打牌嘅時候會唔會遲鈍咗,好彩係一切正常,所以想打牌嘅朋友可以繼續約我。」

Hubert在休息期間除了煲無綫電視劇《白色強人》,還看了台灣電視劇《我們與惡的距離》。(劉智源攝)

說到電視劇《降魔的2》的拍攝進度,Hubert說:「其實基本上都拍晒喇,淨返我仲有幾場戲份未拍,都要同劇組講聲唔好意思,令到佢哋冇得完成,都要多謝監製同我講完全好返晒先復工,唔好急。」至於會不會對威也產生恐懼,Hubert就回應道:「坦白講真係冇乜點驚,因為我真係唔記得晒發生意外嘅過程,我之後問返意外發生過程都好似聽故仔咁。」但劇組亦特別照顧Hubert,不希望他再做危險動作,之後拍攝的都是文戲。

Hubert感謝大家對他的關心,令大家擔心自己反而有點不好意思。(劉智源攝)

之前有傳聞說Hubert與星夢的合約快要完結,Hubert就對此作出澄清:「同公司嘅合約都仲有一段時間。」Hubert又希望接下來的工作能在唱歌和拍戲之間取得平衡:「我覺得自己非常之好彩,入行到而家一直有唔同機會、嘗試唔同工作,而我個人本身都好貪玩、又鍾意新鮮感。雖然咁樣好似貪心啲、辛苦啲,但我覺得值得。」

Hubert在炎炎夏日穿著毛衣出席活動,睇見都覺得熱。(劉智源攝)
Hubert表示新歌已在籌備當中,歌迷朋友可以期待一下。(劉智源攝)